Լևոն Մալխասյան

Լևոն Մալխասյանը ծնվել է 1945 թվականի հունվարի 1-ին Երևանում։

5 տարեկանում առաջին անգամ սկսեց նվագել դաշնամուր և արդեն դպրոցական տարիներից նվագակցում էր տարբեր երգիչների։

1962-1967 թթ. ուսանել է Վալերի Բրյուսովի անվան օտար լեզուների ինստիտուտում՝ ռուսաց լեզու և գրականություն մասնագիտությամբ։ 1963 թ. թմբկահար Արմեն Թութունջյանի՝ Չիկոյի և կոնտրաբասահար Արթուր Աբրահամյանի հետ Վալերի Բրյուսովի անվան օտար լեզուների ինստիտուտում ստեղծում է ջազային եռյակ, որը կոչվում է դաշնակահարի անունով՝ «Լևոն Մալխասյանի անվան եռյակ» և որը Երևանի առաջին ջազ եռյակն էր։

1985 թվականին Մալխասյանը Երևանում կազմակերպել է համամիութենական առաջին եռօրյա ջազային փառատոնը, 1986- թվականին՝ «Ջազային համայնապատկեր» մրցույթ-փառատոնը, 1998 թվականին՝ միջազգային ջազային հնգօրյա փառատոն՝ «Ինտերնեյշնլ ջազ ֆեսթիվալ» անվանումով։

2006 թվականին Երևանում հիմնադրվեց «Մալխաս ջազ ակումբը», որը գործում է մինչ օրս։

Արժանացել է մի շարք պարգևների։

2022 թվականին Լևոն Մալխասյանն արժանացել է Հայաստանի Թեքեյան մշակութային միության «Ադամանդակուռ Արարատ» շքանշանին։