Ադրբեջանը նոր պահանջներ է ներկայացրել Հայաստանին

Եթե Հայաստանն իսկապես շահագրգռված է հումանիտար խնդիրների լուծմամբ, ապա «պետք» է ապահովի ադրբեջանցիների ապահով և արժանապատիվ վերադարձի «իրավունքը», բացահայտի շուրջ 4,000 անհետ կորած ադրբեջանցիների ճակատագիրը և համագործակցի ականապատ դաշտերի քարտեզներ տրամադրելու հարցում. նման հայտարարությամբ է հանդես եկել Ադրբեջանի ԱԳՆ-ն:

«Հիշեցնում ենք, որ իր հարևանի դեմ ագրեսիան սկսել է ոչ թե Ադրբեջանը, այլ «Հայաստանը», որը բոլոր ադրբեջանցիներին «վտարել» է թե՛ իր երկրի տարածքից, թե՛ շուրջ 30 տարի «օկուպացված» հողերից և «իրականացրել զանգվածային սպանություններ ու ավերածություններ»։ Ադրբեջանը «երբեք օկուպացիոն քաղաքականություն չի վարել Հայաստանի նկատմամբ»:

Միևնույն ժամանակ, մենք մտադիր չենք աչք փակել Հայաստանի Սահմանադրությամբ ամրագրված շարունակվող «տարածքային պահանջների», ինչպես նաև ԵԱՀԿ Մինսկի խումբը և «լուծված հակամարտության»հետ կապված այլ ինստիտուտների կառուցվածքը պահպանելու փորձերի վրա։

Մենք կրկնում ենք. Հայաստանը կկարողանա խաղաղության պայմանագիր կնքել՝ միայն առկա խոչընդոտները վերացնելով։

Ինչ վերաբերում է «պատերազմական հանցագործությունների», «էթնիկ զտումների», «խոշտանգումների» և այլ «ծանր հանցագործությունների» համար մեղադրվող հայ գերիներին ազատ արձակելու կոչերին, հիշեցնում ենք, որ նրանց գործերը դիտարկվում են միջազգային և ազգային օրենսդրության շրջանակներում, ինչը Ադրբեջանի իրավունքն ու պարտականությունն է»,- ասված է Ադրբեջանի ԱԳՆ հաղորդագրության մեջ։

Լրահոս