Ադրբեջանը սպառնում է Հայաստանին

Ադրբեջանի ՊՆ-ն արդեն հայտնել է Հայաստանի կողմից Քալբաջարի ուղղությամբ ծանր զինատեսակների և Թովուզի ուղղությամբ կվադրոկոպտերի կիրառմամբ վերջին սադրանքների մասին. Քիչ առաջ հայտարարութն է տարածել Ադրբեջանի ՊՆ-ը։
Հայտարարության մեջ նաև ասվում է. «Մենք նշում ենք, որ նման սադրանքները Հայաստանի կողմից ամենևին էլ առաջին անգամ չեն, դրանք մշտական բնույթ են կրում՝ Ամերիկայի Միացյալ Նահանգների կողմից Հայաստանում, Ֆրանսիայում իրականացվող զորավարժություններ, Հայաստանին մահաբեր զենքով զինելու և ռազմական օգնության տրամադրելու քայլեր։
Հայաստանին Եվրոպական Միության կողմից Խաղաղության եվրոպական հիմնադրամի հովանու ներքո նախնական փուլում 10 միլիոն եվրոյի չափով օգնություն է տրամադրվում, որը ոգեշնչում է օկուպացիոն Հայաստանին նման սադրանքներ իրականացնելու և Ադրբեջանի դեմ հերթական պատերազմի նախապատրաստվելու մասին։
Պաշտպանության նախարարությունը ևս մեկ անգամ զգուշացնում է Հայաստանին և նրա հովանավորներին, որ պետք է ձեռնպահ մնան Հարավային Կովկասում պատերազմի նոր օջախ ստեղծելու մտադրությունից։ Եթե մեր երկրի դեմ նման սադրիչ գործողությունները չդադարեցվեն, ապա Ադրբեջանի զինված ուժերի զինանոցում առկա բոլոր միջոցներով ինքնապաշտպանության նպատակով կձեռնարկվեն համապատասխան պատասխան միջոցներ։
Հայտարարում ենք, որ տարածաշրջանում իրավիճակի սրման ողջ պատասխանատվությունը ընկնելու է Հայաստանի ռազմաքաղաքական ղեկավարության և նրա հովանավորների վրա»։

Լրահոս