26-01-2025 | 17:28
397
Հայաստանի վարչապետի` հունվարի 25-ին Հանրային հեռուստատեսությանը տված հարցազրույցում հնչեցրած պնդումները, թե իբր Ղարաբաղի անջատողական ռեժիմի ներկայացուցիչների դեմ օգտագործվում են հոգեմետ նյութեր՝ տարածաշրջանային էսկալացիա հրահրելու նպատակով, բացարձակապես անհիմն են և ծիծաղելի. հայտնել են Ադրբեջանի արտաքին գործերի նախարարությունից։
Ադրբեջանի ԱԳՆ խոսնակ Այխան Հաջիզադեի հայտարարությունը ներկայացնում ենք ստորև.
«Ամբաստանյալների բոլոր իրավունքներն ու պարտականությունները պատշաճ կերպով ապահովված և բացատրված են, ամբողջ դատավարությունը և նրանց հայտարարությունները ձայնագրվում են։ Ադրբեջանում բանտարկյալների նկատմամբ վատ վերաբերմունքի մասին պնդումները հետաքննվել են անկախ, այդ թվում՝ Կարմիր Խաչի միջազգային կոմիտեի կողմից, և պարզվել է, որ դրանք կեղծ են:
Ակնհայտ է, որ Հայաստանի նման հայտարարությունը ցույց է տալիս, թե որքան նյարդայնացած է այս երկրի քաղաքական ղեկավարությունը՝ կապված այն անձանց դեմ պատերազմական հանցագործությունների մեղադրանքով ընթացող դատավարության հետ, որոնց նրանք ժամանակին բացահայտորեն աջակցել են Ադրբեջանի դեմ իրենց ագրեսիայի քաղաքականությունը շարունակելու համար։
Հայաստանի՝ որպես բռնազավթողի ու ագրեսորի պետական պատասխանատվությունը և նրա մի շարք անօրինական գործողությունները հերքելու փաստն անվիճելի է։ Ուստի այս արարքների մեջ մեղադրվողներին պատասխանատվության ենթարկելը արդարացի գործ է, որը չի կարող խեղաթյուրվել քաղաքական շահարկումներով»։
Լրահոս
15-01-2026 | 19:23
15-01-2026 | 19:21
15-01-2026 | 19:19
15-01-2026 | 12:39
15-01-2026 | 12:38
15-01-2026 | 12:36
15-01-2026 | 12:32
15-01-2026 | 12:30
15-01-2026 | 12:23
15-01-2026 | 12:22
15-01-2026 | 11:56
14-01-2026 | 15:50
14-01-2026 | 15:45
14-01-2026 | 15:44
14-01-2026 | 15:43
Մուտք / Գրանցում
Մենյու
15-01-2026
