Ադրբեջանի ԱԳՆ պատասխանը՝ Ռուսաստանի ԱԳՆ-ին

Եռակողմ հայտարարության  և 2023 թվականի հուլիսի 15-ի հայտարարության՝ ՌԴ արտաքին գործերի նախարարության խաղաղ գործընթացի մեկնաբանությունը և՛ սխալ է, և՛ հիասթափեցնող. նշված է Ադրբեջանի ԱԳՆ հայտարարության մեջ։

  Ադրբեջանի ԱԳՆ երկարաշունչ հայտարարությունը ներկայացնում ենք ստորև.

«Անընդունելի է Ռուսաստանի Դաշնության արտաքին գործերի նախարարության կողմից Ադրբեջանի Հանրապետության տարածքային ամբողջականությունն ու ինքնիշխանությունը մեկնաբանելը և պայմանավորելը այն համատեքստում, որ Հայաստանը, որը գրեթե 30 տարի օկուպացրել է մեր տարածքները, Ղարաբաղը ճանաչում է  որպես Ադրբեջանի մաս»:

ՌԴ ԱԳՆ-ի հայտարարությունը չի համապատասխանում Ադրբեջանի և  Ռուսաստանի միջև փոխհամագործակցության մասին հռչակագրին և Ռուսաստանի Դաշնության նախագահ Վլադիմիր Պուտինի՝  ի պաշտպանություն  Ադրբեջանի՝ ներառյալ Ղարաբաղը, տարածքային ամբողջականության  ու ինքնիշխանության, դիրքորոշմանը։

Անընդունելի է Ռուսաստանի Դաշնության արտաքին գործերի նախարարության կողմից Ադրբեջանի Հանրապետության տարածքային ամբողջականությունն ու ինքնիշխանությունը մեկնաբանելը և պայմանավորելը այն համատեքստում, որ Հայաստանը, որը գրեթե 30 տարի օկուպացրել է մեր տարածքները, ճանաչում է Ղարաբաղը որպես Ադրբեջանի մի մասը։

Հիշեցնենք, որ հենց Ադրբեջանն է առաջ քաշել 44-օրյա  պատերազմից հետո Հայաստանի հետ հարաբերություններ հաստատելու հինգ հիմնարար սկզբունքները, խաղաղության պայմանագիր կնքելու առաջարկը, ինչպես նաև սահմանազատման նախաձեռնությունը. Ադրբեջանը բոլոր սկզբնաղբյուրների հեղինակն է։  Ներկայում ադրբեջանական կողմը գործնական քայլեր է ձեռնարկում խաղաղության համաձայնագրի առաջմղման ուղղությամբ։

Մեր երկիրը մշտապես հավատարմություն է ցուցաբերել Ադրբեջանի, Հայաստանի և Ռուսաստանի Դաշնության ղեկավարների ստորագրած եռակողմ հայտարարություններին։

Սակայն նշված եռակողմ հայտարարության ստորագրման առաջին իսկ օրվանից հայկական կողմը չի կատարել հայտարարության շատ դրույթներ, իսկ ռուսական կողմն իր պարտավորությունների շրջանակում չի ապահովել հայտարարության լիարժեք կատարումը։

Չնայած Ադրբեջանի՝ Լաչինի ճանապարհով  Հայաստանից Ադրբեջան ռազմական բեռների և ականների փոխադրման, անօրինական զորամասերի ռոտացիայի, երրորդ երկրների քաղաքացիների մաքսանենգ ճանապարհով տարածք տեղափոխելու մասին զգուշացումներին՝ ոչինչ չի արվել այդ գործողությունները կանխելու համար։

Ադրբեջանական կողմը ստեղծել է Լաչինի սահմանային անցակետ, որը ստեղծվել է Ադրբեջանի օրենսդրությանը և միջազգային նորմերին համապատասխան՝ երկրում անօրինական գործողությունները կանխելու և թափանցիկություն ապահովելու նպատակով։ Վերջին մի քանի ամիսների ընթացքում կանոնակարգված և թափանցիկ կերպով թույլ  է տրվել հարյուրավոր հայերի անցնել այդ անցակետըով։

Չնայած դրան՝ հայկական կողմը դեռ չի դադարեցրել իր ռազմական սադրանքները Ադրբեջանի դեմ։

Այս համատեքստում բոլորին պարզ է, որ  Ադրբեջանի ինքնիշխան իրավունքը հանդիսացող Լաչինի սահմանային անցակետի ստեղծման քաղաքականացման փորձերի և տարածաշրջանում հումանիտար լարված իրավիճակի մասին հայտարարությունների համար հիմքեր չկան։

Հակառակ 2020 թվականի եռակողմ հայտարարության, որին կողմ է Ռուսաստանի Դաշնությունը, Ադրբեջանի տարածքում գտնվող հայկական զինված ուժերի մնացորդների ամբողջական դուրսբերումը դեռ չի ապահովվել։ Ընդհակառակը, հայկական զինված ուժերին աջակցություն է իրականացվում  ռուսական խաղաղապահ ուժերի հսկողության ներքո։

Սրան զուգահեռ՝ հայտնի է, որ տարբեր պատրվակներով խոչընդոտվում է Ադրբեջանի արևմտյան շրջանների և Նախիջևանի Ինքնավար Հանրապետության միջև անխոչընդոտ հաղորդակցությունը։

Ադրբեջանը շահագրգռված է տարածաշրջանում խաղաղության և հանգստության ապահովմամբ և կշարունակի ջանքերն այդ ուղղությամբ։