ԱՄՆ-ն և Ճապոնիան ծրագրում են թարմացնել 1960 թվականի իրենց անվտանգության դաշինքը

Financial Times-ը գրում է, որ ԱՄՆ-ն և Ճապոնիան ծրագրում են իրենց անվտանգության դաշինքի ամենամեծ թարմացումն այն ժամանակից, երբ երկու երկրները 1960 թվականին ստորագրեցին փոխադարձ պաշտպանության պայմանագիրը:

ԱՄՆ նախագահ Ջո Բայդենը և Ճապոնիայի վարչապետ Ֆումիո Կիսիդան ապրիլի 10-ին Սպիտակ տանը կներկայացնեն իրենց ծրագիրը։

Ինչպես հայտնում է պարբերականը՝ վկայակոչելով իր աղբյուրներին, նշված պլանը նախատեսում է Ճապոնիայում ԱՄՆ ռազմական հրամանատարության վերակառուցում՝ օպերատիվ պլանավորումն ուժեղացնելու և երկու երկրների միջև վարժանքներ կազմակերպելու նպատակով։

Բայդենը ծրագրում է հյուրընկալել Կիսիդային ապրիլի 10-ին պետական ​​միջոցառման ժամանակ, որը ներառելու է պետական ​​ընթրիք և քաղաքական բանակցություններ:

Ճապոնիան մերձավոր դաշնակից է, որն առանցքային դեր է խաղում Չինաստանի և Հյուսիսային Կորեայի նկատմամբ ԱՄՆ ռազմավարության մեջ։