«Անաստաս Միկոյան․ Իլյիչից մինչեւ Իլյիչ» փաստագրական դրամայի հայերեն հրատարակության շնորհանդես

Ապրիլի 30-ին՝ ժամը 17։00-ին, «Թեքեյան» կենտրոնում կկայանա ՍՏԱՍ ՆԱՄԻՆԻ եւ ԱՆԴՐԵՅ ՌՈՒԲԱՆՈՎԻ «Անաստաս Միկոյան․ Իլյիչից մինչեւ Իլյիչ» փաստագրական դրամայի հայերեն հրատարակության շնորհանդեսը։

Անաստաս Միկոյանը (1895-1978 թթ․)20-րդ դարի կեսերի Խորհրդային Միության բարձրագույն ղեկավարներից է, հեղափոխական, քաղաքական եւ պետական գործիչ, որը նշանակալի ներդրում է ունեցել 30-60-ական թթ․ աշխարհակարգի մեջ։ԽՍՀՄ ղեկավար կազմում նա պատասխանատու դերակատարում է ունեցել ԱՄՆ-ի, Չինաստանի, Վիետնամի, Կուբայի, Արեւելյան եւ Արեւմտյան Եվրոպայի երկրների հետ տնտեսական եւ քաղաքական համագործակցության մեջ։ Նրան հաջողվում էր լուծումներ գտնել միջազգային ամենաբարդ հակամարտությունների ժամանակ, իսկ ամերիկյան «Թայմ» ամսագիրը, որի շապիկին Միկոյանի լուսանկարն էր, նրան անվանեց «աշխարհի լավագույն ճգնաժամային կառավարիչը»։

2024 թվականին լույս է տեսել ՍՏԱՍ ՆԱՄԻՆԻ եւ ԱՆԴՐԵՅ ՌՈՒԲԱՆՈՎԻ «Անաստաս Միկոյան․ Իլյիչից մինչեւ Իլյիչ» փաստագրական դրամայի հայերեն հրատարակությունը։ Գիրքը խորհրդային քաղաքական գործչի կենսագրությունն է՝ պատմված պատմական գեղարվեստական գրականության միջոցով։ Օգտագործվել է աղբյուրների հնարավոր ամենալայն շրջանակը՝ փաստաթղթեր, ականատեսների, հարազատների հիշողություններ։ Շատ ապացույցներ եւ փաստաթղթեր հրապարակվել եւ մեկնաբանվել են առաջին անգամ։

Խորհրդային դարաշրջանի ականավոր գործչի կյանքին ու ճակատագրին վերաբերող այս գիրքը գրավում է ոչ միայն պատմաբանների, այլեւ հասարակության լայն շրջանակների ուշադրությունը, բոլոր նրանց, ում հետաքրքրում է մեր երկրի խորհրդային շրջանի պատմությունը։

Լրահոս