ԲԱՅԴԵՆԸ ՍԱՏԱՐՈՒՄ ԷՐ ՀՀ-ԻՆ, ԻՍԿ ԹՐԱՄՓԻ ՎԵՐԸՆՏՐՈՒԹՅՈՒՆԸ ՀԻԱՍԹԱՓԵՑՐԵՑ ՆՐԱՆՑ. ԱԼԻԵՒ

Երբ Ադրբեջանը պետք էր ԱՄՆ-ին, կասեցվեց Ազատության աջակցության ակտի այսպես կոչված 907-րդ բաժինը։ Բայց հենց որ Բայդեն-Բլինկենի վարչակազմը փախավ Աֆղանստանից, նրանք նորից մտցրին այս ուղղումը մեր դեմ։

Այս մասին Ադրբեջանի նախագահ Իլհամ Ալիևն ասել է օկուպացված Ստեփանակերտում անցկացվող «Դեպի նոր աշխարհակարգ» միջազգային ֆորումի ժամանակ։

«Հետևաբար այդքան անշնորհակալ լինելը շատ վնաս է հասցնում հենց վարչակազմին, որովհետև ո՞վ կվստահի նրանց դրանից հետո։ Այսպիսով, մեր վստահությունը Բայդեն-Բլինկեն թիմի նկատմամբ զրոյի էր հասել, և մեր հարաբերությունները գտնվում էին շատ լուրջ ճգնաժամի մեջ։

Բայդենի վարչակազմը հստակ հայտնել է իր դիրքորոշումը Հայաստանի նկատմամբ։ Մենք սա առաջին անգամ տեսանք հայ-ադրբեջանական հակամարտության սկզբից ի վեր»,-նշել է նա:

Միաժամանակ, Ալիևի պնդմամբ, «Հայաստանը հույս ուներ, որ ԱՄՆ ընտրություններից հետո դեմոկրատները կմնան իշխանության ղեկին։ Բայց Թրամփի նախագահ ընտրվելը մեծ հիասթափություն էր նրանց համար»:

www.hraparak.am

Լրահոս