01-11-2024 | 11:45
267
Ճապոնիայի պաշտպանության նախարար Գեն Նակատանին Տոկիոյում հանդիպում է ունեցել ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի հետ։
Նակատանին և Բորելը հայտարարել են, որ կհամագործակցեն անվտանգության հետ կապված մի շարք խնդիրների շուրջ, որոնք առկա են Եվրոպայից մինչև Հնդկախաղաղօվկիանոսյան տարածաշրջան ընկած հատվածում։ Կողմերը նաև հայտարարել են, որ Եվրոպայի և Ասիայի անվտանգությունն անբաժանելի է։
Նրանք նաև քննարկել են Ռուսաստանի և ԿԺԴՀ-ի փոխգործակցության թեման։ Բացի այդ, Բորելը և Նակատանին դատապարտել են Հյուսիսային Կորեայի կողմից միջմայրցամաքային բալիստիկ հրթիռի վերջին արձակումը։
Ավելի ուշ Բորելը կհանդիպի Ճապոնիայի արտգործնախարար Տակեսի Իվայայի հետ, ինչպես նաև կանցկացնի Ճապոնիայի և ԵՄ-ի միջև արտաքին քաղաքականության ռազմավարական երկխոսության առաջին նիստը։
Այցի ընթացքում կողմերը կհայտարարեն անվտանգության և պաշտպանության ոլորտում գործընկերության մասին, ինչպես նաև կվավերացնեն ռազմավարական գործընկերության մասին համաձայնագիրը։ Ըստ ճապոնական լրատվամիջոցների՝ խոսքը վերաբերում է համագործակցությանը ծովային և կիբեռանվտանգության բնագավառներում, ինչպես նաև տիեզերքում։
ԵՄ արտաքին քաղաքական ծառայությունն ավելի վաղ հայտնել էր, որ Բորելը նոյեմբերի 1-4-ը կայցելի Ճապոնիա և Կորեայի Հանրապետություն։
www.armenpress.am
Լրահոս
15-06-2025 | 13:48
15-06-2025 | 13:43
15-06-2025 | 13:38
15-06-2025 | 12:45
15-06-2025 | 12:44
15-06-2025 | 12:43
14-06-2025 | 18:19
14-06-2025 | 18:15
14-06-2025 | 18:11
14-06-2025 | 14:01
14-06-2025 | 13:56
14-06-2025 | 13:53
13-06-2025 | 15:38
13-06-2025 | 14:29
13-06-2025 | 13:46
Մուտք / Գրանցում
Մենյու
15-06-2025
