Բրիտանական թանգարանի նկատմամբ հետաքննություն է սկսվել հին եթովպական արտեֆակտները թաքուն պահելու փաստով

Տեղեկատվության հսկողության կազմակերպությունը հետաքննություն է անցկացնում Բրիտանական թանգարանի նկատմամբ՝ իր հավաքածուում որոշ առավել կարևոր իրերի չափազանց գաղտնիության մասին հայտարարության հիման վրա։ Խոսքը վերաբերում է եթովպական զոհասեղանների սրբազան գրություններով տախտակներին (տաբոտներին), որոնք ավելի քան 150 տարի թաքուն պահվում են թանգարանում՝ հանրության տեսադաշտից հեռու, գրում է The Guardian-ը:

Փայտե և քարե 11 տախտակները, որոնք թանգարանի  խոստովանությամբ, գողացել են բրիտանացի զինվորները 1868 թվականին Մաքդալայի ճակատամարտից հետո, երբեք չեն ներկայացվել հանրային ցուցադրության և այնքան սուրբ են համարվում, որ նույնիսկ թանգարանի հսկիչներին և հոգաբարձուներին է արգելված դիտել դրանք:

Դրանց Եթովպիա վերադարձնելու կոչեր վաղուց են եղել, իսկ 2019 թվականին այդ երկրի մշակույթի նախարարն այցելել է թանգարան և պահանջել  վերադարձնել դրանք։

Արշավի մասնակիցներն այժմ բողոք են ներկայացրել Տեղեկատվության հանձնակատարի գրասենյակ (ICO)՝ պնդելով, որ թանգարանը չի բացահայտել տաբոտների վերաբերյալ ներքին քննարկումների հիմնական մանրամասները՝ ի պատասխան տեղեկատվության ազատության մասին հայցադիմումի: