Չարլզ III-ն աշխատում է իրավահաջորդության ծրագրի վրա

Ենթադրվում է, որ Մեծ Բրիտանիայի թագավոր Չարլզ III-ն աշխատում է իրավահաջորդության պլանի վրա, սակայն այն գաղտնիք է պահվում նրա կրտսեր որդու՝ արքայազն Հարիի կողմից, գրում է բրիտանական The Mirror տաբլոիդը:

Միապետի մոտ քաղցկեղ է ախտորոշվել այս ամսվա սկզբին՝ հիվանդանոցում այլ խնդրի պատճառով բուժվելուց հետո: Ըստ թագավորական փորձագետ Թոմ Քուինի՝ թագավորի հիվանդությունը հանգեցրել է նրան, որ պլանավորումը կենտրոնացած է նրա որդու՝ արքայազն Ուիլյամի շուրջ:

«Չարլզը նաև գիտի, որ Ուիլյամը, որպես ապագա թագավոր, գտնվում է իրավահաջորդության պլանավորման կենտրոնում, որը տեղի է ունենում հենց հիմա. պաշտոնյաները ենթադրում էին, որ Չարլզն առողջ կմնա առնվազն մինչև 80 տարեկանը լրանալը, նախքան իրավահաջորդության պլանավորումը սկսելը, բայց իրականում այն արդեն սկսվել է և կարող է ցույց տալ, որ Չարլզի քաղցկեղն ավելի վտանգավոր է, քան մեզ դրդել էին հավատալ»,- նշել է փորձագետը։

Նրա խոսքերով, իրավահաջորդության պլանավորումը շատ գաղտնի է, և ոչ ոք չի վստահում արքայազն Հարրիին ներգրավվել այն պարզ պատճառով, որ եթե նա զգա, որ իրեն որևէ կերպ խտրականություն են դրսևորում կամ չեն տալիս այն, ինչին զգում է, որ արժանի է, միանգամից կվազի ԶԼՄ-ների մոտ»:

Լրահոս