Ձեր տապալումների հետևանքները ժողովուրդը դեռ շատ երկար է «ճաշակելու». Աբրահամյանն՝ իշխանությանը

ԱԺ «Պատիվ ունեմ» խմբակցության պատգամավոր Տիգրան Աբրահամյանը շեշտում է՝ ԼՂ հիմնախնդրի խաղաղ կարգավորման բանակցային գործընթացը տապալած իշխանությունների մեղքի պտուղները հասարակությունը դեռ շատ երկար է «ճաշակելու»։

«Բանակցային գործընթացում մաքսիմալիստական գիծ բռնելու մասին ոչ միայն Սերժ Սարգսյանն է փաստերով խոսում, այլ այդ մասին, որպես բանակցային գործընթացի տապալման և պատերազմ բերելու հանգամանք, ակնարկեց պատերազմի ժամանակ Փաշինյանի կառավարության առանցքային անդամ Դավիթ Տոնոյանը:

Ինչպե՞ս է ստացվում, որ փաստերն ու վկաները խոսում են իշխանության` արտաքին քաղաքական օրակարգի տապալման մասին, իսկ Փաշինյանը անարդյունք փորձում է համոզել, որ իր միակ սխալը «հանրությանը ճշմարտություն» չասելն է եղել:

Ի վերջո, եթե «շտանգեն» չէիր կարողանալու բարձրացնել, ինչու՞ մարդկանց խաբեցիք, եկաք Արցախի ինքնորոշման դրոշակով, իսկ հետո պարզվեց, որ իրականում ձեր պատկերացումներով Արցախն «Ադրբեջան» էր և դուք հենց այդ ծրագրով էլ շարժվում եք:

Ձեր տապալումները հերթով բերեցին Արցախի ադրբեջանացմանը, ՀՀ-ի խոցելիությանն ու Ադրբեջանի՝ թելադրող դիրք ձեռք բերելուն, որի հետևանքները հասարակությունը դեռ երկար է ճաշակելու»,- սոցցանցի իր էջում գրել է Աբրահամյանը:

www.aysor.am

Լրահոս