Ե՞րբ է «Քաոսի Աստված» հսկա աստղակերպը բախվելու Երկրին

«Քաոսի Աստված» անունը ստացած հսկայական աստղակերպը շուտով կարող է բախվել Երկրին, սակայն սոցցանցերի շատ օգտատերեր ավելի շատ մտահոգված են սարսափելի ամսաթվով, գրում է The Mirror-ը։

Հսկայական աստղակերպը, որը նաև հայտնի է որպես 99942 Apophis, պոտենցիալ վտանգ է ներկայացնում Երկրի համար և մի ժամանակ՝ 2017 թվականին մեր մոլորակի հետ բախվելու 2,7% հավանականություն ուներ:

Բայց չարագուշակ ամսաթվի մոտենալուն զուգընթաց, գիտնականները  վստահեցնում են, որ մենք ապահով ենք առնվազն մինչև 2029 թվականը: Սակայն կանադացի աստղագետ Փոլ Վիգերտը վերջերս մտահոգություն հայտնեց, որ բախումը կարող է տեղի ունենալ ավելի շուտ, քան մենք կարծում ենք:

Սոցցանցերում հրապարակվել է մի տեսանյութ, որում ասվում է, որ Apophis-ն ավելի քան 1000 ֆուտ լայնություն ունի և կարող է թռչել Երկրի կողքով ուրբաթ օրը՝ 2029 թվականի ապրիլի 13-ին, նույնիսկ մեզ ավելի մոտ հեռավորության վրա, քան Լուսինն է և, հավանաբար, տեսանելի կլինի անզեն աչքով: