Էրդողան. Իսրայելի վարչապետին ձերբակալելու Միջազգային քրեական դատարանի որոշումը շատ խիզախ քայլ է, Թուրքիան աջակցում է դրան

Թուրքիայի նախագահ Ռեջեփ Թայիփ Էրդողանը նախագահականում կայացած կառավարության նիստից հետո հանդես է եկել հայտարարություններով:
Նա, անդրադառնալով Պաղեստինի Գազայի հատվածում Իսրայելի գործողությունների վերաբերյալ Միջազգային քրեական դատարանի կայացրած որոշմանը, ասել է. «Միջազգային քրեական դատարանի հրամանը՝ ձերբակալելու Իսրայելի վարչապետ Նեթանյահուին և նախկին պաշտպանության նախարար Գալանտին, այդ ուղղությամբ իրականացված շատ խիզախ քայլ է: Նեթանյահուի և ցեղասպանական ցանցի համար ճամբարը հետզհետե նեղանում է: Այս որոշման իրականացումն անկեղծության փորձություն է՝ Հռոմի ստատուտի անդամ պետությունների համար»:

Էրդողանը նաև ողջունել է այն իրականացնելու պարտավորություն ունեցող մի շարք պետությունների կողմից որոշման մասին աջակցող հայտարարությունները և ընդգծել. «Մենք ևս, որպես Թուրքիա, աջակցում ենք Միջազգային քրեական դատարանի կայացրած այս խիզախ որոշումը»:
www.armenpress.am

Լրահոս