Էրդողանը Պաղեստինը ճանաչելու կոչ է արել

Թուրքիայի նախագահ Ռեջեփ Թայիփ Էրդողանը հոկտեմբերի 1-ին հանդիպել է Ֆինլանդիայի նախագահ Ալեքսանդր Սթաբի հետ:

Համատեղ մամուլի ասուլիսի ժամանակ Էրդողանն անդրադարձել է Պաղեստինի հարցին, ինչպես նաև Գազայի հատվածի և Լիբանանի շուրջ տիրող իրավիճակին՝ Իսրայելին մեղադրելով ցեղասպանություն իրականացնելու մեջ: «Իսրայելի՝ իրավունքին և օրենքին հակառակ օկուպացիայի և անեքսիայի փնտրտուքների դեմ մեր վերաբերմունքը ցույց տալը բոլոր պետությունների և միջազգային կառույցների առաջնային պարտականությունն է: Մենք այս ընթացքում պետք է լինենք Լիբանանի ժողովրդի և կառավարություն կողքին»,-ասել է նա: