Երևանի պետական համալսարանում տեղի է ունեցել «Ֆիրդուսիի Շահնամեն և պարսից լեզուն» թեմայով գիտաժողովը

Իրանցի մեծ բանաստեղծ և էպոսագիր Հաքիմ Աբոլղասեմ Ֆիրդուսիի ծննդյան օրվան՝ մայիսի 14-ին (իրանական օրդիբեհեշթ ամսի 25-ին) ընդառաջ երեկ՝ երկուշաբթի, Երևանի պետական համալսարանի արևելագիտության ֆակուլտետի իրանագիտության ամբիոնում տեղի ունեցավ «Շահնամեն և պարսից լեզուն» թեմայով գիտաժողովը։

Հայաստանի Հանրապետությունում Իրանի Իսլամական Հանրապետության դեսպան Մեհդի Սոբհանին այս գիտաժողովում ունեցած ելույթում ասել է,- «Իրանական մշակույթի և գրականության ոլորտի հանրահայտ դեմքերը ոչ միայն Իրանի աշխարհագրությանը , այլև ողջ մարդկությանն են պատկանում,որովհետև նրանց ստեղծագործությունների և մտավոր համակարգի լեզուն եղել է բարությունը, իմաստությունը, արդարությունը, այլասիրությունը, մարդասիրությունը և բռնությունից խուսափելը»։

Սոբհանին Հայաստանի իրանագետների, դասախոսների և ուսանողների հավաքում Ֆիրդուսիին համարել է պարսից լեզվի փրկիչ և քաղաքակրթությունները կապող օղակ և ասել է.-« Պարսից լեզուն իր զարգացումը պարտական է Շահնամեին, և այդ պատճառով Ֆիրդուսիի անունը հանգուցվել է պարսից լեզվի մնայունության հետ»։

Սոբհանին նշել է. -«Մենք հպարտ ենք, որ պարսից լեզուն ծաղկում է Իրանի բարի և ազնիվ հարևան Հայաստանում՝ բարեկամ ու բարեկիրթ երկրում և դարձել է Իրանի ու Հայաստանի երկու ազնիվ ժողովուրդների սոցիալական կապիտալը»։

Վերջում այս համալսարանի պարսից լեզվի դասախոսներն ու ուսանողները ներկայացրեցին հոդվածներ Շահնամեի և Ֆիրդուսու գաղափարների մասին։

Լրահոս