Երեւանում ընթանում է պետություն-եկեղեցի հարաբերությունների խնդրին նվիրված քննարկում

Երեւանում տեղի է ունենում քննարկում՝ նվիրված պետության եւ եկեղեցու միջեւ հարաբերություններում առկա խնդիրներին: Հիշեցնենք, որ խոսքը վերաբերում է ՀՀ վարչապետ Նիկոլ Փաշինյանի կողմից Հայ Առաքելական եկեղեցու եւ անձամբ Ամենայն Հայոց կաթողիկոս Գարեգին Երկրորդի դեմ բազմաթիվ հարձակումների հետ կապված իրավիճակին: Քննարկմանը մասնակցում են իրավաբաններ եւ Հայ Առաքելական եկեղեցու ներկայացուցիչներ:

Բացելով նիստը՝ իրավաբան Արա Զոհրաբյանը հիշեցրել է, որ վերջին քարոզարշավը սկսվել է Փաշինյանի մայիսի 30-ի ձայնագրությամբ։ Զոհրաբյանի խոսքով՝ ՀԱԵ-ի դեմ հարձակումների վերջին ալիքը առանձնանում է իր անամոթությամբ եւ այն փաստով, որ այն ղեկավարել է անձամբ վարչապետը, որն իրեն թույլ է տվել վիրավորանքներ եւ կաթողիկոսին փոխելու նոր օրակարգ է առաջարկել։

Արա Զոհրաբյանն ընդգծել է ՀԱԵ բացառիկ դերը ազգի զարգացման եւ պահպանման գործում։ «Իշխանությունները փորձում են արշավը ներկայացնել որպես կոնկրետ անհատների դեմ գործողություններ, չնայած ակնհայտ է, որ այն իրականում ուղղված է ամբողջ կառույցի դեմ: Նիկոլ Փաշինյանը վաղուց իրեն ներկայացնում է որպես Պապ թագավոր: Ներկա իրավիճակին նախորդել են տարբեր քայլեր եւ հետապնդումների փորձեր ու վիրավորանքներ, վարչական տուգանքներ ՀԱԵ ներկայացուցիչների հանդեպ, եւ այդ ամենը զարմանալիորեն համընկել է Ադրբեջանից հարձակումների հետ՝ Կովկասի մուսուլմանների վարչության ղեկավար Փաշազադեի հայտարարություններին համահունչ»,- հիշեցրել է Զոհրաբյանը։

www.news.am

Լրահոս