Երկրի բնակիչները օգոստոսի 28-ին կտեսնեն վեց մոլորակների շքերթը

Մերկուրին, Մարսը, Յուպիտերը, Ուրանը, Նեպտունը, Սատուրնը և Լուսինը կշարվեն Արեգակի մի կողմում չորեքշաբթի՝ օգոստոսի 28-ի առավոտյան: Մոլորակների պայմանական շքերթը երկնքում մի հատված կզբաղեցնի մոտ 160 աստիճանի սահմաններում, ՏԱՍՍ-ին հայտնել են Մոսկվայի պլանետարիումի մամուլի ծառայությունից։

Օգոստոսին Մարսը, Յուպիտերը, Ուրանը, Նեպտունը և Սատուրնը տեսանելի են կեսգիշերից մինչև լուսաբաց: Ամսվա վերջում Մերկուրին առավոտյան երկնքում սկսում է հայտնվել Մոսկվայի ժամանակով ժամը 04:00-ից հետո, իսկ օգոստոսի 28-ին նրանց կմիանա կիսալուսինը, որը կգտնվի Մարսից ոչ հեռու։ Դրանք բոլորը կտեղակայվեն ծագող Արեգակից արևելք (աջ կողմում):
Պարզ եղանակին շքերթի մասնակիցներից մի քանիսին կարելի է տեսնել անզեն աչքով, իսկ մնացածը՝ հզոր հեռադիտակով կամ աստղադիտակով։ Պլանետարիումը օգոստոսյան շքերթն անվանել է պայմանական, քանի որ մոլորակները տեղակայվելու են չափազանց մեծ հատվածում։

Մոլորակային շքերթը դիտվում է, երբ անզեն աչքով մի քանի մոլորակներ բավական մոտ են միմյանց և տեսանելի են (կամ տեսանելի չեն, եթե Արեգակի մոտ են) երկնքի նեղ հատվածում (20-30 աստիճան): Մոլորակների մեծ շքերթը տեղի է ունենում, երբ այս կերպ հավաքվում են հինգ կամ ավելի մոլորակներ: Փոքր շքերթ տեղի է ունենում, եթե մոտակայքում չորս մոլորակներ են: Մոլորակների փոքր շքերթները տեղի են ունենում մոտավորապես 20 տարին մեկ անգամ, մեծերը՝ շատ ավելի հազվադեպ:

Լրահոս