Ֆրանսիան կշարունակի աջակցել Ուկրաինային

Էմանուել Մակրոնը՝ Վաշինգտոնում ՆԱՏՕ-ի գագաթնաժողովի շրջանակներում, լրագրողների հետ զրույցում հայտարարել է. «Այստեղ՝ Վաշինգտոնում, կարևոր որոշումներ են կայացվել՝ ապահովելու մեր երկարաժամկետ աջակցությունը և առաջընթաց գրանցելու Ուկրաինայի՝ ՆԱՏՕ մտնելու ուղղությամբ»:

Մեկնաբանելով Հունգարիայի վարչապետ Վիկտոր Օրբանի այցերը Ուկրաինա, Ռուսաստան և Չինաստան՝ Մակրոնն ասել է, որ Օրբանը կարող է նման ուղևորություններ կատարել, բայց ոչ Եվրամիության անունից։

Ֆրանսիայի ղեկավարը նաև ասել է, որ ԱՄՆ նախագահ Ջո Բայդենը տեղյակ է ՆԱՏՕ-ի գագաթնաժողովի բոլոր գործերին։

«Երեկ ճաշի ժամանակ ես հնարավորություն ունեցա երկար խոսել նախագահ Բայդենի հետ։ Ես, ինչպես միշտ, տեսա նախագահ, ով վերահսկում է իրավիճակը և հստակ հասկանում է այն հարցերը, որոնք նա լավ գիտի»,- Մակրոնի խոսքը մեջբերում է AFP-ն։

Լրագրողները նաև խնդրել են Մակրոնին մեկնաբանել Բայդենի լեզվական սայթաքումը, երբ նա պատահաբար Ուկրաինայի նախագահ Վլադիմիր Զելենսկիին անվանեց «նախագահ Պուտին»:

«Մենք բոլորս երբեմն սխալվում ենք», - ասել է Մակրոնը։ «Դա պատահեց ինձ հետ, և դա կարող է կրկնվել վաղը»: Ես կխնդրեի ձեր ներողամտությունը»։

Լրահոս