Ղարաբաղի հարցում «ամենակոշտ բանակցողը» եղել է Նիկոլ Փաշինյանը 2018-2020թթ. Քոչարյան

Ղարաբաղի հարցում «ամենակոշտ բանակցողը» եղել է Նիկոլ Փաշինյանը 2018-2020թթ․, և կոշտությունն այն էր, որ ըստ Փաշինյանի բանակցություններն անիմաստ էին. mամուլի ասուլիսի ժամանակ այս մասին ասաց ՀՀ երկրորդ նախագահ Ռոբերտ Քոչարյանը` անդրադառնալով հարցին, թե ինքը եղել է Արցախի հարցով «ամենակոշտ» բանակցողը։

«Ես երբեք որևէ բանակցային գործընթացից չեմ հրաժարվել, չեմ վախեցել, որ կարող է` մի փաստաթուղթ բերեն, որին ես էդ այկիդոն չկարողանամ անել լավ իմաստով, որը չեմ կարողանա բարեփոխել։ Բանակցությունները դիվանագիտություն են ենթադրում, իսկ դիվանագիտությունը պատ ջարդելը չէ»,- ասաց Քոչարյանը։

Ըստ Քոչարյանի՝ արցախցիբների վերադարձի միակ փաստաթուղթը նոյեմբերի 9-ի փաստաթուղթն է, որից պետք է կառչել։

Ներկայում, ըստ Քոչարյանի, հնարավոր է միայն քննարկել արցախցիների վերադարձի հարցը, բայց բանակցությունների համար հմտություն ու ցանկություն է պետք։ Կարծում է՝ մեր պարագայում հիմա երկուսն էլ չկան։

Ինչ վերաբերում է իր հասցեին շարունակաբար հնչող մեղադրանքներին, թե հենց իր նախագահության օրոք Արցախը դուրս մնաց բանակցային գործընթացից՝ Քոչարյանը նշում է՝ Արցախը երբեք բանակցություններից դուրս չի մնացել, սա կեղծ թեզ է, որ անընդհատ շրջանառվում է։

Լրահոս