Հաջիևը քննադել է Բերբոքին. «Ադրբեջանին մեղադրանքներն անընդունելի են»

COP29-ը հաջողությամբ ավարտվեց. X-ում գրել է ԱՀ նախագահի օգնական – նախագահի աշխատակազմի արտաքին քաղաքականության վարչության ղեկավար Հիքմեթ Հաջիևը։

Նա նշել է. «Բանակցությունների ամենակարևոր և ծանր պահին, երբ Զարգացող երկրները և համաշխարհային հարավը ակնկալում են Եվրամիությունից և Արևմուտքի կոնկրետ ֆինանսական պարտավորություններ, Ադրբեջանին մեղադրանքներ է հնչեցրել Գերմանիայի արտգործնախարար Աննալենա Բերբոքը, և դա անընդունելի է։

Ցավոք, Բերբոքը համատեղել է Գերմանիայի գալիք ընտրությունները բազմակողմ դիվանագիտության հետ՝ հավանաբար փորձելով օգտագործել COP29-ը որպես հարթակ իր նախընտրական քարոզարշավի համար: Նա պետք է հաշվի առներ՝ Եվրոպան չի կարողանում առաջնորդություն դրսևորել, և աշխարհը աշխարհաքաղաքական առումով խորապես բևեռացված է, այս դժվարին բանակցությունները տեղի են ունեցել առանց Գերմանիայի կանցլերի և Եվրահանձնաժողովի մասնակցության։ Բայց մենք ընդունում ենք Գերմանիայի և ԵՄ կլիմայի շուրջ բանակցող թիմերի մասնագիտական ներդրումն ու համագործակցությունը»։

Հիշեցնենք, որ Անալենա Բերբոքը, ելույթ ունենալով Բաքվում COP29-ը համաժողովում, հայտարարել է, որ Ադրբեջանում մարդու իրավունքների հետ կապված իրավիճակը մտահոգիչ է, գրում է Deutsche Welle-ն։

Նա ընդգծել է կլիմայի փոփոխության վերաբերյալ համաժողովի կարևորությունը՝ անդրադառնալով նաև մարդու իրավունքների իրավիճակին: Նրա խոսքով՝ լրատվամիջոցներում աշխատող ակտիվիստների և ընդդիմության ներկայացուցիչների ձերբակալությունը խիստ մտահոգիչ է։

Նշվում է, որ որպես օրինակ՝ նա հատուկ նշել է տնային կալանքի տակ գտնվող իշխանության քննադատ Գուբադ Իբադօղլուի նկատմամբ ելքի արգելքը։ 2023 թվականին նա ձերբակալվել էր Ադրբեջանում՝ խարդախության մեղադրանքով։

www.azg.am

Լրահոս