Հոմերոսի «Իլիականից» 10 խորտակված նավեր են հայտնաբերել

Էգեյան ծովի կապույտ ալիքների տակ վերջերս որոնումներ են ծավալվել, որոնք նույնքան էպիկական են, որքան հին հույն բանաստեղծ-պատմաբան Հոմերոսի ստեղծագործություններում: Հետազոտողները, առաջնորդվելով նրա «Իլիականի» հուշումներով, բազմաթիվ հնագույն նավեր են հայտնաբերել՝ ստեղծելով գիտական նորարարությունների և ծովային առեղծվածների պատմություն, գրում է Popular Mechanics-ը:

Հունաստանի ազգային հետազոտական հիմնադրամը Հունաստանի մշակույթի նախարարության հետ համատեղ չորս հետազոտական առաքելություն է իրականացրել Կասոս կղզու շրջակայքի ջրերում: Նրանց նպատակը պարզ էր՝ բացահայտել խորտակված նավերը, որոնք հիշատակվում են պատմական փաստաթղթերում, այդ թվում՝ Հոմերոսի պատմական պոեմում։ Որպես իրենց մանրակրկիտ ռազմավարության և բազմամասնագիտական մոտեցման վկայություն՝ նրանք հաջողությամբ հայտնաբերել են 10 նավաբեկության վայրեր, որոնք թվագրվում են տարբեր պատմական ժամանակաշրջանների, ասվում է նախարարության հայտարարության մեջ:

Խորտակված գանձերի մեջ հետազոտողները հայտնաբերել են ապշեցուցիչ արտեֆակտների մի շարք, որոնք պատմում են հին առևտրային ուղիների մասին՝ իսպանական Dressel 20 ամֆորա, որի բռնակին դրոշմված է եղել կնիք, որը թվագրվել է մեր թվարկության 150 թվական, և նույնիսկ քարե խարիսխը, որը թվագրվում է անտիկ ժամանակաշրջանին։

24 գրքերից բաղկացած էպոսը, որը պատմաբանների կարծիքով գրվել է մ.թ.ա. մոտ 750 թվականին, պատմում է Տրոյական պատերազմի մասին և ներկայացնում է Հելեն Տրոյացուն, Պարիսին, Աքիլլեսին և այլն:

Լրահոս