«Իմպրեսիոնիզմներ. պատմություններ լուսանցքներից» միջազգային գիտաժողովը նոր հորիզոններ կբացի գիտական հետազոտությունների համար

անումով հայ իմպրեսիոնիստների հավաքածուն ներկայացրել են Մոսկվայում՝ Ռուսական իմպրեսիոնիզմի թանգարանում։ «Մեր նպատակը պարզապես գեղեցիկ ցուցահանդես կազմակերպելը չէր։ Այդ ցուցահանդեսով «հայկական իմպրեսիոնիզմ» բառակապակցությունը գիտական շրջանառության մեջ դրվեց։ Մինչ այդ էլ հետազոտություններ իմպրեսիոնիզմի հայկական դրսևորումների մասին եղել են, բայց  չի կիրառվել «հայկական իմպրեսիոնիզմ» եզրույթը, այլ՝ հայկական կերպարվեստը և իմպրեսիոնիզմը և այլն։ Գիտական աշխարհում այդ արտահայտությունների մեջ մեծ տարբերություն կա։ «Հայկական իմպրեսիոնիզմ» բառակապակցության կիրառման պարագայում հայկական կերպարվեստը դառնում է համաշխարհային գործընթացների լիիրավ մասնակից։ Մեր նպատակն էր ոչ թե ներկայացնել տեղային, մեկուսի կերպարվեստն իր ազգային դպրոցներով ու դրսևորումներով, այլ հայկական կերպարվեստը, որը համաշխարհային կերպարվեստի կարևոր մասն է»,-շեշտեց պատկերասրահի տնօրենը։

«Իմպրեսիոնիզմի ուղիներ» կազմակերպության նախագահ, Euroart կազմակերպության փոխնախագահ Պիեռ Բոդուելն անդրադարձավ Բարբիզոնում կազմակերպված ցուցահանդեսին՝ նշելով, որ իրենց համար մեծագույն հաճույք է հայ իմպրեսիոնիստների աշխատանքները Ֆրանսիայում հյուրընկալելը։ «Ցուցահանդեսը հաջողել է մի քանի ուղղություններով. շատերն անգամ չգիտեին, որ Հայաստանում զարգացած է եղել իմպրեսիոնիզմը, ուստի ցուցադրությունը նաև բացահայտում էր։ Ցուցադրությունում ընդգրկված 41 աշխատանքները շատ պայծառ են, գունագեղ են և մեծ հետաքրքրություն են առաջացրել նաև Ֆրանսիայում հայկական համայնքի շրջանում, ինչի արդյունքում ցուցադրությունն ունեցել է  6000 այցելու, ինչը բավականին մեծ թիվ է»,-նշեց Բոդուելը։

Նա հայկական իմպրեսիոնիզմը համարեց համաշխարհային իմպրեսիոնիզմի անբաժանելի մաս և նշեց՝  Հայաստանում իմպրեսիոնիզմը  ժամանակագրական առումով մի փոքր ավելի ուշ է դրսևորվել, քան Ֆրանսիայում, սակայն հիմքը նույնն է։ Արվեստագետը կարևորեց պատկերասրահի հայ և ֆրանսիացի նկարիչների միջև համագործակցությունն ու հույս հայտնեց, որ այն շարունակական կլինի։

Գիտաժողովի բացմանը ներկա էր ՀՀ ԿԳՄՍ նախարար Ժաննա Անդրեասյանը։ Նա ուրախալի համարեց, որ տարիների պատմություն ունեցող համագործակցությունները նաև զարգացող պատմություն ունեն։ «Նման գիտաժողովներն արվեստաբանական մտքի զարգացման նոր շերտեր բացահայատելու հնարավորություն են տալիս։ «Մշակութային ուղիներ» ծրագրին Հայաստանն ակտիվ մասնակցություն ունի. արդեն իսկ միացել ենք վեց ուղիների։ Հաջորդ տարի նախատեսում ենք Հայաստանում հյուրընկալել «Մշակութային ուղիներ»  ծրագրի հերթական  աշխատաժողովը, և հույս ունեմ՝ մեր բազմաթիվ  գործընկերների տեսնել Երևանում և առիթ ունենալ քննարկել այն կարևոր հարցերը, որոնք առաջին հերթին տեսանելի են դարձնում մեզ մերձեցնող գծերը, որոնք մշակույթի կարևոր հատկությունն են»,-ասաց նախարարը։

Ըստ Անդրեասյանի՝ մշակույթը հիշեցնում է, որ  բոլորս նույն բաների մասին ենք երազում, ունենք նույն արժեքներն ու առաջ ենք գնում նույն նպատակների հետևից։ Նախարարը կարևոր է համարում այդ մասին խոսել հենց մշակույթի դաշտում, որովհետև այն միակ հնարավոր լեզուն է այդ ընդհանրությունները տեսնելու համար։

«Ուզում եմ ընդգծել այս նախաձեռնության կարևորությունը Հայաստանի և Ֆրանսիայի համագործակցության շրջանակում. սա ևս մեկ վկայությունն է այն շատ սերտ և ինտենսիվ համագործակցության, որը կա մշակույթի ոլորտում։ Արդեն խոսվեց Բարբիզոնում կազմակերպված ցուցադրության մասին, որտեղ Հայաստանը ներկայացավ իմպրեսիոնիզմի մեր ցուցանմուշներով, և վստահ եմ, որ այս աշխատանքը շարունակելու ենք,  միջազգայնացումը շարունակելու է լինել մեր օրակարգի շատ կարևոր ուղղությունը»,-շեշտեց Ժաննա Անդրեասյանն ու հավելեց՝ թանգարանային կյանքի զարգացումը չի կարող լիարժեք լինել առանց միջազգային համագործակցությունների։

Ամփոփելով իրականացված լայնածավալ միջազգային նախաձեռնությունը՝ գիտաժողովն ամրապնդում է Հայաստանի դերը եվրոպական մշակութային երկխոսության շրջանակում՝ բացելով նոր հորիզոններ հետագա համատեղ ծրագրերի և գիտական հետազոտությունների համար։

Գիտաժողովի բացմանը զուգահեռ պատկերասրահում ազդարարվեց նաև «Հովհաննես Ալխազյան. Վանից Փարիզ» խորհրդանշական ցուցահանդեսի բացումը։ Հյուրերը շրջեցին ցուցահանդեսում և ևս մեկ անգամ փաստեցին՝ հայկական իմպրեսիոնիզմը համաշխարհային իմպրեսիոնիզմի կարևոր մասն է։

www.armenpress.am