Իրանի նախագահ Էբրահիմ Ռայիսիին տեղափոխող ուղղաթիռը «կոշտ վայրէջք» է կատարել Ադրբեջանի տարածքում

Ուղղաթիռը, որում գտնվել Է Իրանի նախագահ Իբրահիմ Ռաիսին, վթարի է ենթարկվել կոշտ վայրէջքի պատճառով:
«Եղանակի և մառախուղի պատճառով նախագահին տեղափոխող ուղղաթիռը ստիպված է եղել կոշտ վայրէջք կատարել», – IRIB պետական հեռուստաալիքի եթերում ասել է Իրանի ՆԳ նախարար Ահմադ Վահիդին:

«Ադրբեջանի Արազ գետի վրա «Խուդաֆերին» և «Գիզ Գալասի» հիդրոէլեկտրակայանների շահագործման արարողությանը մասնակցելուց հետո նախագահը և նրան ուղեկցող պատվիրակությունը վերադառնում էին մի քանի ուղղաթիռներով», – պարզաբանել է նախարարը։

Էներգետիկայի եւ ենթակառուցվածքների նախարարները, որոնք թռել են ավտոշարասյան մյուս երկու ուղղաթիռներով, բարեհաջող տեղ են հասել։
Կոշտ վայրէջքի վայրի որոնումը բարդանում է եղանակի պատճառով։ Տարբեր փրկարարական ջոկատներ են մեկնում տարածք, սակայն մառախուղի և վատ եղանակի պատճառով դեպքի վայր հասնելը կարող է որոշ ժամանակ պահանջել։ Իրավիճակը վերահսկելի է։

«Մենք կապվել ենք անձնակազմի հետ, սակայն, հաշվի առնելով թանձր մառախուղն ու տեղանքը, հուսով ենք, որ փրկարարական ջոկատներն ավելի վաղ կհասնեն դեպքի վայր և լրացուցիչ տեղեկատվություն կտրամադրեն մեզ»,- նշել է ՆԳՆ ղեկավարը։
Հաջողվել է զանգահարել ուղղաթիռի անձնակազմին, հավանականությունը մեծ է, որ ոչ ոք չի զոհվել։

Լրահոս