Իսրայելը կարող է Գազայում ՀԱՄԱՍ-ի հետ արածը կրկնել Լիբանանում՝ «Հեզբոլլահ»-ի հետ. Իսրայելի պաշտպանության նախարար

Եթե «Հեզբոլլահ»-ը ցանկանում է ուժեղացնել հարձակումները Իսրայելի վրա, Իսրայելի պաշտպանության բանակը կանխարգելիչ կերպով կհնգապատկի իր գործողությունները, նախազգուշացրել է Իսրայելի պաշտպանության նախարար Յոավ Գալանտը պահեստազորայիններին այցելության ժամանակ: Այս մասին գրում է jpost.com-ը:

«Մենք պատերազմ չենք ուզում, բայց այս իրավիճակը չենք հանդուրժի: Եթե «Հեզբոլլահ»-ը ցանկանում է այս ամենը բարդացնել, մենք այն հնգապատիկ կբարդացնենք»,- հավելել է նա՝ ուղիղ նախազգուշացնելով լիբանանյան ահաբեկչական կազմակերպությանը:

Գալանտը պահեստայիններին ասել է, որ Իսրայելը կարող է Գազայում ՀԱՄԱՍ-ի հետ արածը կրկնել Լիբանանում՝ «Հեզբոլլահ»-ի հետ:

«Այն, ինչ մենք անում ենք Գազայում, կարող ենք անել Բեյրութում: Եթե մեզ ներքաշեն կատաղի հակամարտության, պատերազմի մեջ, «Հեզբոլլահ»-ը ծանր գին կվճարի», - եզրափակել է նա:

Լրահոս