Իսրայելը պնդում է, որ լիակատար վերահսկողություն ունի Թեհրանի օդային տարածքի նկատմամբ

Իսրայելի ռազմաօդային ուժերը հաստատել են «լիակատար օդային գերազանցություն» Իրանի մայրաքաղաք Թեհրանի նկատմամբ, հայտնում է Times of Israel-ը։

Նշվում է, որ Իսրայելի ռազմաօդային ուժերը ոչնչացրել են Իրանի բալիստիկ հրթիռների արձակման կայանքների մեկ երրորդը և կարողացել են խափանել Իրանի հարձակումների «զգալի մասը» Իսրայելի տարածքում։

Դեֆրինի խոսքով՝ կիրակի և երկուշաբթի գիշերը Իսրայելի վրա արձակվել է 65 բալիստիկ հրթիռ և տասնյակ անօդաչու թռչող սարք, որոնց մեծ մասը որսացվել է, սակայն երեք հարված հասցվել է թիրախներին և սպանվել ութ մարդ։

Այնուամենայնիվ, Իրանը, նրա խոսքով, մտադիր էր այդ գիշեր արձակել առնվազն կրկնակի ավելի շատ հրթիռներ։ Գիշերը իսրայելական ինքնաթիռները Իրանի տարածքում խոցել են 20 բալիստիկ հրթիռ, նախքան դրանց արձակումը։

Իսրայելի պաշտպանության ուժերը նաև հայտնել են, որ մոտ 50 կործանիչ ինքնաթիռներ և անօդաչու թռչող սարքեր հայտնաբերել և հարվածել են հրթիռային պահեստներին և հրամանատարական կետերին, որտեղ իրանական զինվորականները պատրաստվում էին արձակել հրթիռները։

Զինվորականները նաև հայտնել են, որ Իսրայելի ռազմաօդային ուժերը գիշերը մի շարք զանգվածային հարվածներ են հասցրել Սպահանին՝ հարվածելով ավելի քան 100 ռազմական թիրախների։

www.news.am

Լրահոս