Իսրայելի եւ Իրանի միջեւ հակամարտությունը մեր գործերին չի վնասում. Մեդվեդեւ

Որքան էլ ցինիկաբար հնչի, այս ամբողջ խառնաշփոթը Իսրայելի եւ Իրանի միջեւ մեր գործերին, հավանաբար, չի վնասում։ Այս մասին սոցցանցերում գրել է Ռուսաստանի Անվտանգության խորհրդի փոխնախագահ, ՌԴ նախկին նախագահ Դմիտրի Մեդվեդեւը։

«Շաբաթօրյա երկու մեկնաբանություն։

«Թշնամու՝ այսպես կոչված կեղտոտ ռումբ ստեղծելու եւ կիրառելու հնարավոր փորձերի մասին, որոնց վերաբերյալ երեկ նշել է նախագահը։

Դա, իհարկե, խիստ վտանգավոր սադրանք կլիներ, որին անհրաժեշտ կլիներ չափակից պատասխան տալ։ Ինչո՞վ։ Մաքուր ռումբով։ Տակտիկական միջուկային զենքով։ Մենք բավականաչափ ունենք դրանից։ Սա այն նույն հայելային պատասխանն է, ինչի մասին ասել է պետության ղեկավարը։ Ես կլռեմ ապագա կյանքի եւ էկոլոգիայի համար հետեւանքների մասին։ Բայց Կիեւի հիվանդ, այլասերված մարդիկ՝ իրենց անբարոյական երեւակայությամբ, պետք է լավ պատկերացում ունենան դրա մասին։ Թող զբոսնեն Չեռնոբիլի մեկուսացման գոտում եւ դիտեն գունագեղ հեռուստասերիալ։

Եվ երկրորդ՝ որքան էլ ցինիկ հնչի, Իսրայելի եւ Իրանի միջեւ այս ամբողջ խառնաշփոթը հավանաբար չի վնասում մեր գործերին: Ամերիկացիների մեծ մասը նույնիսկ չգիտի, թե որտեղ է գտնվում մեռնող Ուկրաինան, իսկ Թրամփի թիմը, որը բացարձակապես չի ցանկանում գումար ծախսել իրենց համար օտար հակամարտության վրա, այժմ շատ լարված է: Այլ հարց է հարազատ Իսրայելը: Դե, հիմա թող նրանք զբաղվեն իրենց սիրելի մտահղացմամբ։ Կա միայն մեկ ակնհայտ վտանգ՝ Մերձավոր Արեւելքի հակամարտության վերածվելը համաշխարհայինի, որի մասին, ի դեպ, Թրամփն ինքը անընդհատ խոսում է։ Իսկ այստեղ ԱՄՆ-ը, Իսրայելը եւ Իրանը պետք է ջանադրաբար աղոթեն աբրահամյան բոլոր կրոնների սուրբ գրքերով։ Եվրոպայի մասին չեմ խոսում, այնտեղ ոչ մի սուրբ բան չի մնացել։ Նրանց բաժինը ֆրիկ-շոուն է Փարիզի Օլիմպիադայի նման, որին մասնակցում են Մակրոնի տիպի դեգեներատիվ այլանդակներն ու մնացած ուրսուլաներն ու սթարմերները»,- գրել է նա։

www.news.am

Լրահոս