Իսրայելի կողմից Իրանի վրա հարձակման սպառնալիքը դեռևս պահպանվում է. Իրանի բանակի գլխավոր հրամանատար

Իսրայելի կողմից Իրանի վրա հարձակման սպառնալիքը դեռևս պահպանվում է, և հակամարտությունը չի կարելի համարել լիովին ավարտված։ Այս մասին հայտարարել է Իսլամական Հանրապետության բանակի գլխավոր հրամանատար, գեներալ-լեյտենանտ Ամիր Հաթամին։

«Մենք պետք է հարձակման նույնիսկ 1% հավանականությունը ընկալենք որպես 100% սպառնալիք։ Մենք չպետք է թերագնահատենք թշնամուն և մտածենք, որ բոլոր սպառնալիքներն անցյալում են», - նրա խոսքերն է մեջբերում IRNA-ն։

Իրանի հրթիռային և անօդաչու թռչող սարքերի ուժերը մնում են մարտական պատրաստության մեջ և կօգտագործվեն նոր սպառնալիքների ի հայտ գալու դեպքում, ասել է Հաթամին։

Հունիսի 13-ի գիշերը Իսրայելը ռազմական գործողություն է սկսել Իրանի դեմ։ Մեկ օր անց Իրանը հակագրոհ է սկսել։ Միացյալ Նահանգները հակամարտության մեջ է մտել իրաբիճակի սրումից ինը օր անց՝ հարվածելով Ֆորդոյում, Նաթանզում և Սպահանում գտնվող իրանական միջուկային օբյեկտներին։

Հունիսի 23-ի երեկոյան Իրանը հարձակվել է Մերձավոր Արևելքի ամենամեծ ամերիկյան ավիաբազայի՝ Կատարի Ալ Ուդեյդի ավիաբազայի վրա։ Դրանից հետո ԱՄՆ նախագահ Դոնալդ Թրամփը հայտարարել է, որ Իսրայելը և Իրանը համաձայնության են եկել հրադադարի շուրջ։ Հրադադարն ուժի մեջ է մտել հունիսի 24-ին։

ԱՄՆ նախագահ Դոնալդ Թրամփը նախկինում բազմիցս հայտարարել է իր պատրաստակամության մասին՝ նոր հարվածներ հասցնելու Իրանի միջուկային օբյեկտներին, եթե պարզվի, որ Թեհրանը ձգտում է վերականգնել իր ներուժը: Իսլամական Հանրապետության արտաքին գործերի նախարարության ղեկավար Աբբաս Արաղչին խոստացել է, որ Իրանը վճռական պատասխան կտա կրկնակի ագրեսիայի դեպքում:

www.tert.am

Լրահոս