Իսրայելի թանգարանում տղան պատահաբար կոտրել է 3500-ամյա միջին բրոնզեդարյան սափորը

Հնգամյա տղան անզգուշաբար կոտրել է 3,5 հազար տարեկան կուժը Իսրայելի Հայֆայի համալսարանի Հեհթա թանգարանում։ Այս մասին տեղեկացրել է Ynetnews պորտալը։

Անոթը, որը վերջին 35 տարիներին կազմել է ցուցադրանքի մի մասը, պատկանում է բրոնզե դարին։ Հաստատության տնօրեն Ինբալ Ռիվլինը բացատրել է, որ ցուցանմուշը ցուցադրված էր առանց պաշտպանիչ շերտի, քանի որ այդպես էր ցանկացել թանգարանի հիմնադիր Ռուբեն Հեհթան, որը կարծում էր, որ նման կազմակերպությունները պետք է «կենդանի, դինամիկ տեղեր» լինեն։

Երեխան թանգարան էր եկել մոր հետ, նրանք շենքից հեռացել են պատահարից անմիջապես հետո։ «Մենք նրանց հրավիրում ենք մեկ անգամ եւս գալ այստեղ ուղեկցորդի միջոցով էքսկուրսիա անցկացնելու»,- ասել է Ռիվլինը։ Վերականգնողները կվերականգնեն կուժը, ասել է նա, ինչից հետո այն նորից կներկայացվի հանրությանը։ Տնօրենը նաեւ նշել է, որ թանգարանը նախատեսում է ստեղծել նոր, հատուկ կավե փորձանմուշներ, որոնց հետ երեխաները կարող են շփվել։

Հեհթայի թանգարանը մեծությամբ եւ նշանակությամբ երրորդ հնագիտական թանգարանն է Իսրայելում։ Այստեղ կա նաեւ գեղարվեստական հատված, որտեղ հավաքված են կտավներ աշխարհի տարբեր երկրներից։