Իտալիայի վարչապետը նախատեսում է այցելել Լիբանան

Իտալիայի վարչապետ Ջորջիա Մելոնին երեքշաբթի ասել է, որ ծրագրում է այցելել Լիբանան և կոչ է արել անվտանգության երաշխիքներ տրամադրել այնտեղ իր երկրի զորքերի համար այն բանից հետո, երբ ՄԱԿ-ի խաղաղապահները Իսրայելի և լիբանանյան «Հեզբոլլահ» շարժման միջև հակամարտության ժամանակ կրակի տակ են հայտնվել:

«Մենք կարծում ենք, որ իսրայելական զինված ուժերի դիրքորոշումը լիովին արդարացված չէ», - ասել է Մելոնին Իտալիայի Սենատում՝ միջադեպն անվանելով ՄԱԿ-ի բանաձևի «կոպիտ խախտում», որը կոչ է անում դադարեցնել ռազմական գործողությունները «Հեզբոլլահի» և Իսրայելի միջև:

«Ես արդեն ծրագրել եմ ուղևորություն Լիբանան՝ որպես արտաքին գործերի նախարար (Անտոնիո) Տաջանին հաջորդ շաբաթ այցելելու Իսրայել և Պաղեստին», - ասաց նա օրենսդիրներին՝ չհայտնելով իր այցի ժամկետների մասին:

Այս շաբաթվա վերջին Բրյուսելում Եվրամիության առաջնորդների հանդիպմանն ընդառաջ օրենսդիրներին ուղղված ուղերձում նա ասաց, որ Իսրայելի գործողություններն անընդունելի են, և որ ինքը այդ դիրքորոշումն է հայտնել Իսրայելի վարչապետ Բենիամին Նեթանյահուին:

Իսրայելական երկու տանկ ճեղքել են UNIFIL բազայի դարպասները։

Նեթանյահուն հերքել է, որ իսրայելական զորքերը դիտավորյալ հարձակվել են UNIFIL-ի խաղաղապահների վրա Լիբանանում և պահանջել է խաղաղապահներին դուրս բերել մարտական գոտիներից։

Ավելի քան 1000 իտալացի զինծառայողներ տեղակայված են ՄԱԿ-ի խաղաղապահ առաքելությունում, որը հայտնի է որպես Լիբանանում ՄԱԿ-ի ժամանակավոր ուժեր (UNIFIL): Իտալիան նաև զորքեր ունի առանձին առաքելությունում, որը հայտնի է որպես MIBIL, որը պատրաստում է տեղական զինված ուժերը Լիբանանում:

ՄԱԿ-ի Անվտանգության խորհուրդը նախկինում մտահոգություն էր հայտնել հարավային Լիբանանում ՄԱԿ-ի խաղաղապահների դիրքերի գնդակոծությունից հետո և կոչ էր արել բոլոր կողմերին, առանց անուններ տալու, հարգել ՅՈՒՆԻՖԻԼ-ի անձնակազմի և տարածքների անվտանգությունը:

ՄԱԿ-ի տվյալներով՝ հոկտեմբերի 1-ին Լիբանանում Իսրայելի ցամաքային գործողությունների մեկնարկից ի վեր, ՅՈՒՆԻՖԻԼ-ի դիրքերը 20 անգամ կրակի են ենթարկվել:

www.news.am

Լրահոս