Ջիվան Ավետիսյանը՝ «20 20-ի հրեշտակները» ֆիլմի հերոսների, «Վերածնվածի» հայկական եւ հոլիվուդյան կազմի, Արցախի թեմայով ֆիլմերի դժվար ուղու մասին

Ռեժիսոր Ջիվան Ավետիսյանը չի դադարում պատմել Արցախի եւ այնտեղ տեղի ունեցածի մասին։ Ռեժիսորի առաջիկա ֆիլմը՝ «20 20-ի հրեշտակները» հարգանքի տուրք կլինի այն բոլոր բուժաշխատողներին, ովքեր Հայաստանի ու Արցախի համար դժվար օրերին փրկել են կյանքեր ու եղել ամենաթեժ իրադարձությունների կիզակետում։

Ֆիլմի շուրջ աշխատանքները սկսվել են 2021 թ-ի հունվարից։ Մինչ օրս ռեժիսորը տարբեր հանդիպումներ է ունեցել 70 -ից ավել բուժաշխատողների հետ՝ Արցախից, Հայաստանից եւ Սփյուռքից։

Ֆիլմում կլինեն տեսարաններ ոչ միայն պատերազմի դաշտից․ կներկայացվեն նաեւ այն գործողությունները, որոնք այդ պահին տեղի էին ունենում Երեւանում․ նաեւ կլինի հետհայացք դեպի 90-ականներ։

Ռեժիսորն առայժմ չի բարձրաձայնում գլխավոր հերոսներին մարմնավորող դերասանների անունները, սակայն ասում է՝ դերասանական կազմը գրեթե որոշված է, եւ նրանք բավական լուրջ պատրաստություն են անցնում։

Ֆիլմի գաղափարը, նկարահանման վայրերը, դերասանների ընտրությունը, սցենարը, գրեթե, որոշված են, սակայն նկարահանումները կսկսվեն հաջորդ տարի։ Ջիվան Ավետիսյանը նշում է՝ այն իրականություն դարձնելու համար ակնկալում է նաեւ Հայաստանի կինոյի հիմնադրամի մասնակցությունը։

Այս պահին հետարտադրողական փուլում է ռեժիսորի մեկ այլ ֆիլմ՝ «Վերածնվածը»։

Ջիվան Ավետիսյանի խոսքով՝ ֆիլմը ոչ միայն կպատմի 2020 թ-ի պատերազմի մասին, այլեւ հայկական ֆիլմարտադրության մեջ կարող է հանդիսանալ՝ որպես արհեստական բանականության մանիֆեստ։

Ֆիլմի դերասանական կազմում ընդգրկված են ինչպես հայ, այնպես էլ օտարազգի դերասաններ։

Ադրբեջանական ի՞նչ ճնշումների են բախվում Արցախի մասին ֆիլմերը համաշխարհային կինոշուկայում, ովքե՞ր են «20 20-ի հրեշտակների» հերոսները, հայ եւ համաշխարհային ո՞ր աստղերին կտեսնեք «Վերածնվածը» ֆիլմում. հարցերի պատասխանները՝ NEWS.am STYLE-ի պատրաստած տեսանյութում:

www.news.am