Քենեթ Սմիթն աշխարհում առաջին մարդն է, ում մահապատժի են ենթարկել ազոտային գազով

Մաքուր ազոտի կիրառմամբ մահապատիժ է իրականացվել ԱՄՆ-ում, սա առաջին հայտնի դեպքն է, որով մահապատիժ է իրականացվում այս կերպ։ 

58-ամյա Քենեթ Սմիթը, որը դատապարտվել էր 1988 թվականին կնոջը պատվերով սպանելու համար, մահապատժի է ենթարկվել ազոտային շնչահեղձության միջոցով Ալաբամա նահանգի Ատմոր քաղաքում:

Մահապատիժն իրականացնելու համար անշարժացած Սմիթի վրա դիմակ են դրել, որի միջոցով մաքուր ազոտ է բաց թողնվել։ Չնայած այն հանգամանքին, որ օդը բաղկացած է 78% ազոտից, երբ թոքերը մատակարարվում են, մաքուր ազոտը տեղաշարժում է մարդկանց համար կենսական նշանակություն ունեցող թթվածինը, ինչը հանգեցնում է հիպոքսիայի և մահվան: 

Ալաբամա նահանգում 2018 թվականին թույլատրվել է մահապատժի ենթարկել մաքուր ազոտի՝ մահացու ներարկումներում օգտագործվող դեղերի պակասի պատճառով։ Մահապատժի այս մեթոդը օրինական է նաև Միսիսիպիում և Օկլահոմայում, սակայն այդ երկու նահանգները երբեք չեն օգտագործել այն:

Ալաբամայի պաշտոնյաներն ասում են, որ մեթոդը նման է էֆթանազիայի մեթոդին, որն օգտագործվում է ամբողջ աշխարհում, այդ թվում՝ եվրոպական որոշ երկրներում, որտեղ մարդն արագ և ցավազուրկ կորցնում է գիտակցությունը, այնուհետև անցնում է սրտի կանգի: