Մուտք / Գրանցում
Մենյու
29-09-2023 | 14:30
Այրվածքներ ստացած 140 արցախցիների մեջ կան ծայրահեղ ծանր վիճակում գտնվողներ
ՀԱՅԱՍՏԱՆԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅՈՒՆ
05-08-2023 | 12:50
81
Լեռնային Ղարաբաղում հումանիտար ճգնաժամի կառավարման համար Հայաստանի կառավարությունում ստեղծված աշխատանքային խմբի ներկայացուցիչ Վարդան Սարգսյանը կառուցողական չի համարում ադրբեջանական կողմից հնչող արձագանքները Լեռնային Ղարաբաղ հումանիտար օգնություն ուղարկելու՝ Հայաստանի կառավարության նախաձեռնությանը։
«Արմենպրես»-ի հետ զրույցում Վարդան Սարգսյանը նշեց, որ հաճախ փորձեր են արվում այդ նախաձեռնությունը դարձնել տարաբնույթ շահարկումների թեմա, մինչդեռ Կոռնիձոր այցելող միջազգային կառույցների ներկայացուցիչները հավաստիանում են, որ Լաչինի միջանցքը փակել է Ադրբեջանը:
«Հումանիտար բեռներով լի ավտոշարասյունը շարունակում է նույն տեղում մնալ, որտեղ կայանել էր դեռ տասնմեկ օր առաջ: Ինչպես նշվել էր ի սկզբանե՝ մեր նպատակը զուտ մարդասիրական բնույթի այս նախաձեռնության իրականացումն է, որի ուղղությամբ շարունակում ենք քայլեր ձեռնարկել: Վերջին 11 օրերի հիմնական արձանագրումն այն է, որ նախաձեռնության հանդեպ ինչպես միջազգային, այնպես էլ մեր հանրության շրջանում հարաճուն ուշադրության և հնչեղության աճ կա: Ասվածի վկայությունն են դիվանագիտական կորպուսի, միջազգային կառույցների ներկայացուցիչների այցերը Կոռնիձորի հատված, ինչպես նաև տարբեր երկրների պետական ատյաններից և խորհրդարանականների կողմից հնչող հայտարարությունները, որոնցում հստակ և հասցեական կոչ է արվում Ադրբեջանին, որպեսզի վերջինս բացի Լաչինի արգելափակված միջանցքը»,- ասաց Սարգսյանը:
Նրա խոսքով՝ Կոռնիձորի հատված այցելողներն իրականում տեսնում են, թե ինչ է կատարվում և հավաստի տեղեկություններ են ստանում Լեռնային Ղարաբաղում ժամ առ ժամ խորացող հումանիտար ճգնաժամի մասին:
«Հետաքրքրությունը մեծ է նաև միջազգային լրատվամիջոցների կողմից: Տարբեր երկրների բազմաթիվ լրագրողներ վերջին օրերին այցելել են այս հատված և իրենց աչքերով հավաստիացել, որ այս պահին հումանիտար բեռների հասանելիությունը դեպի Լեռնային Ղարաբաղ խոչընդոտվում է Ադրբեջանի կողմից»,- ասաց Սարգսյանը:
Անդրադառնալով ադրբեջանական կողմի ապակառուցողական քայլերին, մասնավորապես Լեռնային Ղարաբաղի երկու բնակիչների առևանգման դեպքերին՝ ՀՀ կառավարության ներկայացուցիչն ընդգծեց, որ այդ քայլերը միանշանակ չեն կարող նպաստել ստեղծված իրավիճակի հանգուցալուծմանն ու հումանիտար նախաձեռնության իրականացմանը:
«Հատկապես Կարմիր խաչի միջազգային կոմիտեի կողմից Հայաստան տեղափոխվող քաղաքացու դեպքն ի ցույց է դնում, թե Ադրբեջանն ինչպիսի վերաբերմունք ունի հումանիտար բնույթի հարցերի կարգավորման վերաբերյալ, քանի որ բուժօգնություն ստանալու իրավունքից քաղաքացուն զրկելը կոպտագույն խախտում է: Մենք ակնկալում ենք, որ Հայաստանի կառավարության հումանիտար նախաձեռնության շուրջ միջազգային հանրության ուշադրության աճն ու ստեղծված իրավիճակի գիտակցումը՝ լինի կոչերի, թե հստակ գործողությունների տեսքով, իսկապես կնպաստեն Լաչինի միջանցքի արգելափակման վերացմանն ու հումանիտար բեռների տեղափոխմանը դեպի Լեռնային Ղարաբաղ»,- եզրափակեց Սարգսյանը:
Լրահոս
29-09-2023 | 14:30
29-09-2023 | 12:41
29-09-2023 | 12:35
29-09-2023 | 11:52
29-09-2023 | 10:47
29-09-2023 | 01:52
28-09-2023 | 21:42
28-09-2023 | 21:00
28-09-2023 | 18:26
28-09-2023 | 16:23
28-09-2023 | 16:04
28-09-2023 | 15:02
28-09-2023 | 14:34
28-09-2023 | 12:58
28-09-2023 | 12:02
Եթե պացիենտը բուժհաստատությունում է, ապա մենք նրա տվյալներն ունենք, իսկ եթե այդ ցանկում չկա, գիտեք, որ Արցախի կողմից հայտարարվել էր, որ պայթյունի ժամանակ եղել են նաև անհետ կորածներ, պետք է ճշտել։
Հումանիտար կենտրոնից ներկայացվել են նոր տվյալներ արցախահայության բռնի տեղահանման մասին։
Ոչ իշխանական թեկնածուի շուրջ կոնսենսուսի բացակայության պայմաններում «Մայր Հայաստան» դաշինքն ընտրում է նիստին չներկայանալու և քվորում չապահովելու ճանապարհը։
ՄԻՊ-ից հայտնում են, որ հաշվառման կենտրոններում Պաշտպանի ներկայացուցիչներն իրականացնում են փաստահավաք աշխատանքներ, զրուցում բռնի տեղահանվածների հետ, հավաքագրում նրանց կողմից բարձրացված խնդիրները։
Մինչ օրս նույն տարածքից հայտնաբերվել և դատաբժշկական փորձաքննության բյուրո է տեղափոխվել` ընդհանուր 170 աճյուն և մասունք, իսկ անձնական իրերը` օպերատիվ շտաբ։
Բռնագաղթող Արցախը՝ ֆրանսիացի լուսանկարչի աչքերով
Թե՛ իշխանություններին, թե՛ ընդդիմությանն այսօր ոչինչ չպետք է շեղի արցախահայությանը Հայաստանում արժանապատիվ կյանքով ապահովելու համազգային խնդրից:
Լեռնային Ղարաբաղի հայերը պետք է կարողանան առանց խոչընդոտի դուրս գալ այնտեղից։ Խոշոր տերությունների ավելի մեղմ արձագանքը նրանց մեղսակից կդարձնի Ադրբեջանի՝ ընդամենը մի քանի օրում հայերի բազմաթիվ սերունդներ ոչնչացնելու գործողություններին:
29-09-2023
