Կրեմլում հայտնել են հատուկ ծառայությունների գծով Ռուսաստանի եւ ԱՄՆ շփումների մասին

Մոսկվան եւ Վաշինգտոնը շփումներ ունեն հատուկ ծառայությունների գծով, տեղեկացրել է ՌԴ նախագահի մամուլի քարտուղար Դմիտրի Պեսկովը, հաղորդել է «Կոմերսանտը»։

Կրեմլի ներկայացուցիչը միաժամանակ պարզաբանել է, որ անվտանգության ասպեկտներով երկու երկրների լայնածավալ համագործակցության մասին խոսելը վաղաժամ է։

«Կան կապեր հատուկ ծառայությունների հետ»,- լրագրողներին ասել է Պեսկովը։ «Միեւնույն ժամանակ, դեռ վաղ է խոսել անվտանգության ապահովման տարբեր ասպեկտների վերաբերյալ լայնածավալ համագործակցության մասին»,- ավելացրել է նա։

Մայիսի 19-ին Վլադիմիր Պուտինը հեռախոսազրույց է ունեցել Դոնալդ Թրամփի հետ, որը տեւել է ավելի քան երկու ժամ։ Զրույցից հետո ՌԴ նախագահը հայտնել է, որ Մոսկվան պատրաստ է աշխատել Կիեւի հետ խաղաղության պայմանագրի վերաբերյալ հուշագրի շուրջ։ Թրամփն ասել է, որ աջակցում է ուկրաինական հակամարտության ավարտից հետո ԱՄՆ-ի հետ առեւտրային հարաբերությունները վերականգնելու Ռուսաստանի գաղափարին։ Այս ֆոնին Կիրիլ Դմիտրիեւն ասել է, որ Ռուսաստանն ու ԱՄՆ-ը հիանալի տնտեսական գործընկերներ են լինելու։

www.news.am

Լրահոս