24-06-2025 | 13:40

Կյանքից հեռացել է Գուժ Մանուկյանը

Կյանքից հեռացել է ՀՀ Ժողովրդական արտիստ, Հ. Ղափլանյանի անվան դրամատիկական թատրոնի դերասան Գուժ Մանուկյանը: Այս մասին հայտնում է ՀԹԳՄ-ն:

Դերասանը տևական ժամանակ հիվանդության պատճառով բեմ չէր բարձրանում:

«Ես ինձ շատ երջանիկ եմ զգում, որ շրջապատված եմ լավ ընկերներով, կոլեգաներով։ Մեկ տարի է, ցավոք, չեմ շփվել նրանց հետ հիվանդության պատճառով։ Վիրահատությունից հետո չեմ կարողանում այլևս բեմ բարձրանալ։ Կարոտել եմ ինչպես իմ կոլեգաներին, ընկերներին, այնպես էլ հանդիսատեսին»,- ասում էր Գուժ Մանուկյանը։

Գուժ Մանուկյանը 1968 թվականից աշխատել է Հ. Ղափլանյանի անվան դրամատիկական թատրոնում: Խաղացել է բազում գլխավոր դերեր թե՛ կինոյում, թե՛ թատրոնում: Արժանացել է հետևյալ մրցանակներին՝ ՀՀ Պետական մրցանակի դափնեկիր - 1987թ.
Մովսես Խորենացի մեդալ - 1997թ.
ՀՀ Մշակույթի նախարարության ոսկե մեդալ - 2007թ.
ՀՀ Ազգային ժողովի պատվո շքանշանակիր - 2012թ.
ՀԹԳՄ Արտավազդ մրցանակ - 2012թ:

www.tert.am

Լրահոս