Լարված իրավիճակ ԱԳՆ-ի դիմաց. տեսանյութ

«Տավուշը հանուն Հայրենիքի» շարժման մասնակիցներն այսօր Բագրատ Սրբազանի առաջնորդությամբ բողոքի ակցիա են իրականացրել Գլխավոր դատախազության դիմաց։

Մինչև այսօր որևէ գործ, սկսած շարժման մասնակիցներին գործակալներ պիտակավորելուց, մինչ «Հայաքվե»-ի կողմից ապօրինի սահմանազատման հետ կապված հաղորդումը, Գլխավոր դատախազությունը չի հարուցել։ Կարող ենք փաստել, որ այս պահին դատախազություն գոյություն չունի, նա միայն զեկույցներ է ներկայացնում ստախոսին ու կատարում նրա քմահաճույքները. իր ելույթում ասաց Բագրատ Սրբազանը։ Երթի մասնակիցները շարժվեցին ԱԳՆ շենք։

ԱԳՆ շենքի մոտից ոստիկանություն է բերվել ակցիայի 16 մասնակից: Նրանց թվում են նաև հոգևորականներ և լրագրողներ։ Բոլոր քաղաքացիներին ցուցաբերվում են անվճար փաստաբանական ծառայություններ։

Ոստիկանները հարված են նաև Բագրատ Սրբազանին։

Եթե դուք այստեղ չեք իջնելու և պատասխան չեք տալու, ուրեմն դուք ծառայում եք ոչ Հայաստանի Հանրապետությանը, այլ Ադրբեջանին, Թուրքիային և նրանց գործակալներին: Կամ դուք կիջնեք և պատասխան կտաք նախորդ օրերին հնչած Ադրբեջանաթուրքական հայտարարությունների համար, կամ մենք լրագրողների հետ կբարձրանանք վերև և ձեզնից պատասխան կստանանք. Բագրատ Սրբազանը ԱԳ նախարարին այսպես դիմեց։

Այնուհետև հավելեց. «Թուրք-ադրբեջանական իշխանությունները նույնը լինելով իրենց հայաստանյան ներկայացուցիչների հետ, ամենավերջին աստիճանով նվաստացնում են ՀՀ ինքնիշխանությունն ու ժողովրդին։ Վերջինների շարքում Հեյդարի որդի Իլհամի հայտարարություններն են, որ Խոջալույում տեղի է ունեցել ցեղասպանություն և Հայաստանի իշխանությունները ներողություն են խնդրելու դրա համար... Հայաստանի իշխանությունները փոխանակ պատասխանեն Ադրբեջանին, փորձել են ճնշել սեփական ժողովրդին ու այն մարդկանց, որոնք այդ ամենին ասել են՝ ո՛չ։ Որևէ երկրի պատմության մեջ չի եղել, որ ԱԳ նախարարը մի բան հայտարարի, իսկ թշնամի պետության ներկայացուցիչը ստորացնի այդ նախարարին, հղում անելով նրա ղեկավարին»։