ՄԱԿ գլխավոր քարտուղարը՝ Մերձավոր Արեւելքում ապաթեժացման գործում Իրանի կարեւոր դերի մասին

ՄԱԿ գլխավոր քարտուղար Անտոնիու Գուտերիշը հանդիպել է Իրանի նախագահ Մասուդ Փեզեշքիանի հետ եւ նշել Թեհրանի կարեւոր դերի մասին Մերձավոր Արեւելքում ապաթեժացման հասնելու գործում։ Այս մասին նշվել է համաշխարհային կազմակերպության ղեկավարի գրասենյակի տարածած հաղորդագրությունում։

«Գլխավոր քարտուղարը հանդիպել է Իրանի Իսլամական Հանրապետության նախագահ Մասուդ Փեզեշքիանի հետ։ Նրանք քննարկել են երկու կողմերին անհանգստացնող խնդիրները, այդ թվում իրավիճակը Մերձավոր Արեւելքում, մասնավորապես՝ պատերազմը Գազայում, ինչպես նաեւ իրավիճակը Լիբանանում եւ Եմենում։ Գլխավոր քարտուղարն ընդգծել է տարածաշրջանային ապաթեժացման հանապազօր անհրաժեշտությունը եւ Իրանի կարեւոր դերը այդ նպատակի իրականացման գործում»,- նշված է տեքստում։