Մենք պատրաստ ենք ցանկացած պարզեցման, որը տեղավորվում է 5 սկզբումների շրջանակում. Փաշինյան

Վաշինգտոնի հռչակագրում հստակ արձանագրված են այն 5 սկզբունքները, որոնց հիման վրա գործելու է Վաշինգտոնյան համաձայնությունը. տարածքային ամբողջականություն, ինքնիշխանություն, իրավազորություն, սահմանների անխախտելիություն, և փոխադարձություն։ Խաղաղության խաչմերուկը ներկայացնելիս մենք ասել ենք, որ պատրաստ ենք կարգավորումների պարզեցումների այս սկզբունքների հիման վրա։ Այս մասին այսօր կառավարության նիստից հետո ասաց ՀՀ վարչապետ Նիկոլ Փաշինյանն՝ անդրադառնալով հարցին, թե արդյոք ադրբեջանցիները Հայաստանի սահմանն անցնելու դեպքում հայ սահմանապահների տեսնելո՞ւ են, թե ոչ։

«Աշխարհի բազմաթիվ զարգացած երկրներում մաքսային և սահմանային հսկողության այն ձևերը, որ մեզ ծանոթ են տասնամյակների ընթացքում արդեն գոյություն չունեն, մասնավորապես կենսաչափական անձնագրերի կիրառման պարագայում գործում են բոլորովին նոր ընթացակարգեր, նաև թվային տեխնոլոգիաների զարգացման տրամաբանությամբ գործում են այլ ընթացակարգեր, և այն ձևերը, որ մարդկանց պետք է ձեռք տալ, շոշափել և այլն, այդ ձևերը բոլոր երկրներում, այդ թվում Հայաստանի բոլոր սահմաններում 5-10-15 տարի հետո չեն լինելու և մենք գնալու ենք պարզեցումների, բայց պարզեցումների գնալու ենք ոչ միայն Հայաստան -Ադրբեջան սահմանային կետերում, այլև գնալու ենք մեր բոլոր սահմանային կետերում, որպեսզի մեր բիզնես միջավայրը, տարանցումը, արտահանումը հնարավորիս լինի պարզեցված, որը բիզնես գործունեության համար ամենակարևոր միջավայրն է»։

«Սա օրինակներից մեկն է, ինչը չի նշանակում, որ ճշգրիտ հենց այդ օրինակով կլինի, ես կարող եմ վստահաբար ասել, որ մենք պատրաստ ենք ցանկացած պարզեցման, որը տեղավորվում է վերոհիշյալ 5 սկզբումների շրջանակում»։

www.aysor.am

Լրահոս