Նիդեռլանդների վարչապետը հրաժարական է տվել

Նիդեռլանդների վարչապետ Դիկ Շուֆը երեքշաբթի հայտարարել է, որ հրաժարական կտա՝ ընդամենը մի քանի ժամ անց, երբ ծայրահեղ աջ քաղաքական գործիչ Գերտ Վիլդերսն իր «Ազատություն» կուսակցությունը դուրս բերեց աջակողմյան կոալիցիայից, ինչն, ամենայն հավանականությամբ, արտահերթ ընտրությունների կհանգեցնի, հաղորդում է Reuters-ը։

Վիլդերսի կուսակցության անդամ նախարարները կլքեն կառավարությունը, միևնույն ժամանակ մնացած նախարարները կշարունակեն աշխատել ժամանակավոր կաբինետում։

Ընտրություններն, ըստ ամենայնի, մինչև հոկտեմբեր չեն անցկացվի, և նոր կառավարության ձևավորումը ավանդաբար Նիդեռլանդների մասնատված քաղաքական դաշտում ամիսներ է տևում։

Երեքշաբթի ավելի վաղ Վիլդերսը հայտարարել էր, որ իր կուսակցությունը լքում է կառավարության կազմը, քանի որ կոալիցիոն երեք այլ գործընկերներ հրաժարվել են աջակցել ապաստանի և ներգաղթի վերաբերյալ իր գաղափարներին։

Կոալիցիայի անդամ մյուս կուսակցություններն այժմ հնարավորություն ունեն փորձել փոքրամասնության կառավարություն ձևավորել, թեև նրանցից նման քայլ չեն ակնկալում։ Երեքշաբթի ընդդիմադիր կուսակցությունները նոր ընտրություններ անցկացնելու կոչ արեցին։

www.news.am

Լրահոս