Ուկրաինան գուցե երբեք էլ չանդամակցի ՆԱՏՕ-ին. սրա մասին դաշինքում վախենում են բարձրաձայնել. Մեդվեդև

Դմիտրի Մեդվեդևը փակուղի է անվանել Կիևի ռազմական օգնությունն ավելացնելու՝ ՆԱՏՕ-ի ծրագրերը:

Երրորդ համաշխարհային պատերազմը մոտենում է. կարծում է Ռուսաստանի Անվտանգության խորհրդի փոխնախագահը։

Նա նաև ասել է, որ Ուկրաինան կարող է երբեք չընդգրկվել ՆԱՏՕ-ի կազմում, պարզապես դաշինքը վախենում է դա բարձրաձայն ասել։ Քաղաքական գործիչն ընդգծել է, որ հատուկ ռազմական գործողությունը շարունակվելու է նույն նպատակներով, որոնցից մեկն էլ Կիևի՝ դաշինքին միանալու ձգտումից հրաժարվելն է։

«Ամեն ինչ այնպես է, ինչպես մենք մտածում էինք. Դաշինքին Ուկրաինայի անդամակցության գործողությունների ծրագիրը  պետք է չեղարկվի: Զանգահարեք՝ 404 ՆԱՏՕ-ին, բայց կընդունեն՝ հայտնի չէ՝ երբ և ինչ պայմաններում։ Հնարավոր է` երբեք: Եվ դա այն է, ինչ Դաշինքի պատասխանատուները վախենում են բարձրաձայն ասել»,- գրել է Մեդվեդևը Telegram-ի իր ալիքում։

Անվտանգության խորհրդի փոխնախագահը, խոսելով Ուկրաինայի՝ կասետային զինքով գնդակոծումների մասին, ասել է, որ «այս անմարդկային զենքի դեմ մեր զինանոցները բացելու ժամանակն է»։