Ուկրաինայի Գերագույն Ռադան օրինագիծ կընդունի Telegram-ի դեմ

Ուկրաինայում Telegram սոցիալական ցանցի կարգավորման մասին օրինագիծը մինչև սեպտեմբերի վերջ կպատրաստվի և կներկայացվի Գերագույն Ռադա. նման որոշում է կայացվել Ուկրաինայի խորհրդարանի հումանիտար և տեղեկատվական քաղաքականության հանձնաժողովի նիստում. գրում է Unian-ն։

Հանդիպմանը նշվել է, որ փաստաթղթի ընդունումից հետո հարթակի սեփականատեր ընկերությունը պետք է Ուկրաինայի իշխանություններին մանրամասն տեղեկություններ տրամադրի հիմնադրի կամ հիմնադիրների մասին։

Հաջորդ պահանջն այն է, որ այս սոցիալական ցանցի հիմնադիրների մեջ չպետք է լինեն Ռուսաստանի ԱԴԾ-ի և այլ հետախուզական ծառայությունների հետ կապված անձինք։

Հատուկ աշխատանքային խմբում, որը կստեղծվի օրինագիծը մշակելու համար, կընդգրկվեն նաև Ուկրաինայի թվային փոխակերպման նախարարության մասնագետներ։

Ավելի վաղ Գերագույն ռադայի անդամ Նիկիտա Պոտուրաևը հայտարարել էր, որ Telegram հարթակի օգտին ցանկացած գաղափար կվնասի իշխանությունների հեղինակությանը։ Իրենց հերթին քաղաքացիական հասարակության ինստիտուտների ներկայացուցիչները հայտարարել են օրենքի ընդունումից հետո պատժամիջոցների մասին օրենքների փոփոխությունների անհրաժեշտության մասին։

Լրահոս