
06-02-2025 | 15:18
Ռուսական միջուկային զենքը կարող է օգտագործվել Ռուսաստանի կամ Բելառուսի դեմ ագրեսիայի դեպքում, եթե երկրների ինքնիշխանությանը և տարածքային ամբողջականությանը վտանգ սպառնա։ Դրա մասին ասված է Բելառուսի հետ Միութենական պետության կազմում անվտանգության երաշխիքների մասին պայմանագրում, որը ՌԴ նախագահ Վլադիմիր Պուտինը վավերացման է ներկայացրել Պետդումային, հայտնել է ТАСС-ը։
Ըստ պայմանագրի՝ Ռուսաստանի միջուկային զենքը կարող է օգտագործվել ի պատասխան Ռուսաստանի կամ Բելառուսի դեմ միջուկային զենքի կամ զանգվածային ոչնչացման զենքի այլ տեսակների, ինչպես նաև սովորական զենք օգտագործող կողմերից որևէ մեկի դեմ ագրեսիայի դեպքում, որը կրիտիկական սպառնալիք է ստեղծում նրա ինքնիշխանության կամ տարածքային ամբողջականության համար։
Պայմանագրի կողմերը Ռուսաստանի Դաշնության միջուկային զենքը համարում են «կարևոր գործոն միջուկային ռազմական բախումների և սովորական զենքի օգտագործմամբ ռազմական հակամարտությունների առաջացումը կանխելու համար, ինչպես նաև զսպման միջոց, որի կիրառումը ծայրահեղ և հարկադիր միջոց է»:
Բացի դրանից, կողմերը Միութենական պետության մասնակցի վրա զինված հարձակումը դիտարկում են որպես ագրեսիայի ակտ ամբողջ Միութենական պետության դեմ և կձեռնարկեն համապատասխան պատասխան միջոցներ՝ օգտագործելով իրենց տրամադրության տակ եղած բոլոր ուժերն ու միջոցները: Մասնավորապես, երկրներից մեկի դեմ ագրեսիայի դեպքում Միութենական պետության երկրորդ երկիրը, նախագահների համաձայնությամբ, պաշտոնական դիմումից հետո անմիջապես անհրաժեշտ ռազմական, ռազմատեխնիկական և այլ օգնություն է տրամադրում: