Պենտագոնը գաղտնի ավելացրել է Իսրայելի ռազմական օգնությունը

Պենտագոնը ծածուկ ավելացրել է Իսրայելի ռազմական օգնությունը, որը ներառում է «Ապաչ» մարտական նավերի համար լազերային ուղղորդմամբ հրթիռների քանակության ավելացում, ինչպես նաեւ 155 միլիմետրանոց ականներ, գիշերային տեսանելիության սարքեր, զինամթերքներ եւ նոր բանակային մեքենաներ։ Այս մասին տեղեկացրել է Bloomberg-ը։
Իսրայելի զենքի մատակարարումը դուրս է գալիս «Երկաթե գմբեթ» հրթիռների եւ Boeing Co ինտելեկտուալ ռումբերի շրջանակից։
Զենքը թվարկված է «Իսրայելի ավագ առաջնորդի հարցապնդումներ» փաստաթղթում։ Այն, ըստ Bloomberg News-ի, արդեն մատակարարվում է։
Պենտագոնի ներկայացուցիչը հրաժարվել է քննարկել մանրամասները, բայց պաշտպանության նախարարությունը հայտարարել է, որ Իսրայելը ինքնապաշտպանության միջոցներ ունի։ «Այս օգնությունը կշարունակվի գրեթե ամեն օր»,- նշվել է հայտարարությունում։ Տեղեկացվել է, որ ԱՄՆ-ն օպերատիվորեն զինամթերքներ է մատակարարում, փոքր հեռահարության ռումբեր, 155 միլիմետրանոց  հրետանային ականներ եւ այլ զինամթերքներ։
Հրետանային ականների եւ այլ զինամթերքների մատակարարումը քննադատության է արժանացել հասարակական կազմակերպությունների կողմից, որոնք պնդում են, որ ԱՄՆ-ից մատակարարումներն Իսրայելին թույլ են տվել շարունակել գնդակոծությունները, որոնց հետեւանքով Գազայի հատվածում զոհվել են ավելի քան 11 000 մարդիկ։
Երկուշաբթի 30 հումանիտար կազմակերպություններ նամակով դիմել են Լլոյդ Օսթինին՝ կոչ անելով չուղարկել 155 միլիմետրանոց ականներ։
AH-64 Apache մարտական ուղղաթիռների մարտական համալիրը ներառում է մոտ 2 000 Hellfire հրթիռներ Lockheed Martin Corp-ի արտադրության լազերային ուղղորդմամբ, որոնց մի մասը Իսրայելը հանձնել է իր ուժերին, քանի որ ԱՄՆ-ն ուսումնասիրում է իր պահուստները Գերմանիայի եւ Հարավային Կորեայի պահեստներում։
Իսրայելը խնդրել է նաեւ 57 000 155 միլիմետրանոց բեկորա-ֆուգասային հրետանային ականներ եւ 20 00 M4A1 հրացան, 5 000 PVS-14 գիշերային տեսանելիության սարքեր, 3 000 M141 հակաբունկերային զինամթերքներ, 400 հատ 120 միլիմետրանոց եւ 75 հատ թեթեւ տակտիկական մեքենաներ։
ԱՄՆ-ն Իսրայել է ուղարկել նաեւ 312 «Թամիր» հրթիռներ։
Իսրայելը խնդրել է նաեւ AeroVironment Inc արտադրության 200 հատ Switchblade 600 զրահագնաց խոցող ռմբակոծիչներ։