Պոտսդամում մասամբ վերականգնվել է Կայազորային եկեղեցին

Բրանդենբուրգի մայրաքաղաք Պոտսդամում օգոստոսի 22-ին տեղի է ունեցել մասամբ վերականգնված Կայազորային եկեղեցու բացման արարողությունը։ 1933 թվականին այս տաճարի շենքում, այսպես կոչված, «Պոտսդամի օրվա» ժամանակ Ադոլֆ Հիտլերը երդում է տվել որպես ռեյխկանցլեր, հայտնում է գերմանական Deutsche Welle պարբերականը։

Եկեղեցին այրվել է 1945 թվականին և քանդվել  սոցիալիստական Գերմանիայի ժամանակաշրջանում։ Գերմանիայի վերամիավորումից հետո որոշվել է վերակառուցել քաղաքում բարոկկո ոճի զանգակատունը, որպեսզի Պոտսդամի այս հատվածը վերադարձնի իր երբեմնի պատմական նկարագիրը։

18-րդ դարի տաճարի մասնակի վերականգնումն, ինչպես նաև 2024 թվականի օգոստոսի 22-ի բացման արարողությունն ուղեկցվել է բողոքի ակցիաներով:  Բացմանը ելույթ է ունեցել Գերմանիայի դաշնային նախագահ Ֆրանկ-Վալտեր Շտայնմայերը, որը վերահսկում է նախագծի իրագործումը։

«Վերականգնված զանգակատունը մեզ կոչ է անում հիշել, տարբերություններ դնել և ոչ մի դեպքում ոչինչ չմոռանալ»,- ընդգծել է Գերմանիայի նախագահը։