Պուտինի հետ զրույցի ընթացքում ԱՄՆ հարվածներին Իրանի արձագանքի հարց չի քննարկվել. Պեսկով

Կրեմլը չի կարող կանխատեսել Իսրայելի և Իրանի միջև հարվածների փոխանակման լիակատար դադարեցումը, քանի որ չունի հրադադարի բանակցությունների մանրամասները. հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Ինչքան մենք հասկանում ենք, եղել են շփումներ Կատարի միջնորդությամբ, շփումներ ԱՄՆ նախագահի և Մերձավոր Արևելքում նրա մի շարք գործընկերների միջև։ Մենք չգիտենք բոլոր մանրամասները, ուստի ոչինչ չենք կարող ասել», – ընդգծեց Կրեմլի ներկայացուցիչը։

Դմիտրի Պեսկովը նաև հայտարարել է, որ Ռուսաստանը աջակցում է Իրանին Մերձավոր Արևելքի հակամարտության վերաբերյալ հստակ դիրքորոշմամբ. «Իհարկե, մենք մտադիր ենք ավելի զարգացնել մեր հարաբերությունները Իրանի հետ: Այս քննարկումները, բնականաբար, եղել են և կլինեն, սա անխուսափելի է»:

Պեսկովը նաև խոսել է նախորդ օրը Կրեմլում Ռուսաստանի նախագահ Վլադիմիր Պուտինի և Իրանի արտգործնախարար Աբբաս Արաղչիի միջև տեղի ունեցած բանակցությունների մասին։

Նրա խոսքով՝ զրույցի ընթացքում չի բարձրացվել ԱՄՆ հարվածներին Իրանի արձագանքի թեման, այդպիսի հարց չի քննարկվել։

Կրեմլի ներկայացուցիչը հիշեցրել է, որ Արաղչիի հետ երեկվա հանդիպումից առաջ Իրանը բազմաթիվ հայտարարություններ է արել, այդ թվում՝ ԱՄՆ-ի պատասխանը անպայման կտրվի պաշտոնական մակարդակով։

www.azg.am

Լրահոս