Պուտինն ասել է, որ համաձայն է եղել Նավալնիին փոխանակել Արևմուտքում գերիների հետ

Ռուսաստանի Դաշնության նախագահը պարզաբանել է, որ պատրաստ է մեկ պայման առաջ քաշել՝ «կփոխանակենք նրան, որպեսզի չվերադառնա»։
Ռուսաստանի նախագահի թեկնածու և երկրի ներկայիս ղեկավար Վլադիմիր Պուտինը հայտարարել է, որ համաձայնել է Ալեքսեյ Նավալնիին փոխանակել Արևմուտքում գերիների հետ։

«Պարոն Նավալնիի մահից մի քանի օր առաջ որոշ գործընկերներ, ոչ վարչակազմի անդամներ, ինձ ասացին, որ միտք կա փոխանակել պարոն Նավալնուն ինչ-որ մարդկանց հետ, որոնք արեւմտյան երկրների բանտերում են »,- ասել է Պուտինը իր նախընտրական շտաբում կայացած մամուլի ասուլիսում։
 «Դուք կարող եք հավատալ ինձ, կարող եք ոչ: Ինձ հետ խոսողը դեռ չէր ավարտել իր նախադասությունը, ես ասացի. «Համաձայն եմ», - ավելացրեց նա՝ ափսոսանք հայտնելով, որ «եղավ այն, ինչ եղել է»:

Պուտինը պարզաբանել է, որ պատրաստ է առաջ քաշել միայն մեկ պայման՝ «մենք կփոխանակենք նրան, և որ նա չվերադառնա»։ 
«Բայց սա (մարդկանց մահը) պատահում է, ոչինչ անել չես կարող, այդպիսին է կյանքը»,- եզրափակել է երկրի ղեկավարը։