Ռոբերտ Քոչարյանին ու Յուրի Խաչատուրովին նոր մեղադրանք է ներկայացվել

Հակակոռուպցիոն դատարանում տեղի է ունեցել ՀՀ երկրորդ նախագահ Ռոբերտ Քոչարյանի, ՀՀ ԶՈՒ ԳՇ նախկին պետ, ՀԱՊԿ նախկին քարտուղար Յուրի Խաչատուրովի, ՊՆ նախկին նախարար Սեյրան Օհանյանի, ՀՀ նախկին փոխվարչապետ Արմեն Գևորգյանի գործով դատավարությունը։

Նախորդ նիստին դատարանը որոշել էր Օհանյանին, Խաչատուրովին և Քոչարյանին բերման ենթարկել՝ այսօրվա նիստում նրանց մասնակցությունն ապահովելու նպատակով:

Դատախազն այսօր միջնորդեց Ռոբերտ Քոչարյանին և Յուրի Խաչատուրովին նոր մեղադրանք ներկայացնել։

Համապատասխան միջնորդությունը ներկայացրեց հանրային մեղադրող Հայկ Հովհաննիսյանը՝ պաշտոնատար անձի կողմից իշխանական կամ ծառայողական լիազորությունները չարաշահելը կամ անցնելը, որն անզգուշությամբ առաջացրել է ծանր հետևանքներ հոդվածով։

Գործով անցնող մյուս երկու անձանց՝ պաշտպանության նախկին նախարար Սեյրան Օհանյանին և նախկին փոխվարչապետ Արմեն Գևորգյանին մեղադրանք չներկայացվեց, քանի որ նիստը հետաձգվեց։

Լրահոս