Ռուբենին մեծ քարերով են խփում. Վարդան Պետրոսյանը՝ Ռուբեն Վարդանյանի մասին (տեսանյութ)

Բաքվում շարունակվում է հայ գերիների նկատմամբ դատական ֆարսը: Այսօր Ռուբեն Վարդանյանի գործով 20-րդ նիստն է:

Անցած շաբաթ Ռուբեն Վարդանյանի ընկերները, նրա ծննդյան տարեդարձի կապակցությամբ, կազմակերպել էին «Երկխոսություն Ռուբենի հետ» քննարկումը, որի ընթացքում ներկայացվեց նաև դերասան, ռեժիսոր Վարդան Պետրոսյանի տպավորիչ տեսանյութը, քանի որ նա այդ օրերին Հայաստանում չէր և որոշել էր քննարկմանը մասնակցել տեսանյութով: NEWS.am-ը միջոցառման կազմակերպիչներից ստացավ այդ տեսանյութը, որը հրապարակում ենք:

«Ռուբեն Վարդանյանին այնտեղ պահում են որպես քաղաքական հաշվեհարդարի զոհ՝ նվաստացնելու համար ոչ թե միայն իրեն, ոչ թե Հայաստանի Հանրապետությանը, ինչքան էլ շատերը չուզեն լսել այդ մասին, այլև՝ հայությանը: Սա նրանց սովորական քաղաքական քայլերից է: Նրանք փորձում են հոգևոր իմաստով ծնկի բերել հայ մարդուն: Նրանք փորձում են հոգեբանորեն ջարդել մարդուն:

...Երբ մարդ ազատ է նյութական կաշկանդող օրենքներից, երբ նա հոգով-մարմնով կապվում է արդեն Աստծո հետ, նա դառնում է իրապես ազատ մարդ, և ես կարծում եմ, Ռուբենն այսօր այդ հոգեվիճակում է: Ինչքան սեղմում են, ինչքան ցավեցնում են, Աստված իր զորությունները շատացնում է: Ինչքան մեծ է մարդը, այնքան դառն են զրկանքները: Ասում են չէ՝ մեծ նավին մեծ ճանապարհ, մեծ նավի վրա մեծ քարեր են գցում: Ռուբենին մեծ քարերով են խփում: Դրա համար մենք նրան պիտի մաղթենք ուժ, կորով, կարողություն, որպեսզի նա դիմակայի»,- մասնավորապես ասում է Վարդան Պետրոսյանը:

www.news.am

Լրահոս