Սամվել Կարապետյանի համար հպարտություն է սահամանափակումների մեջ լինել հանուն Եկեղեցու. Նարեկ Կարապետյան

Գիտեք, որ Սամվել Կարապետյանը առաքելական եկեղեցու վերաբերյալ իր համոզմունքները արտահայտելու և նրանց հետևելու համար այս պահին սահմանափակումների մեջ է, բայց նաև դա մեզ համար հպարտություն է, որովհետև եկեղեցու համար սահմանափակումների մեջ լինելը մեծ պատիվ է բոլորիս համար։ Այս մասին, այսօր՝ օգոստոսի 29–ին, Սամվել Կարապետյանի հիմնադրած «Մեր ձևով» շարժման մեկնարկին նվիրված միջոցառման ժամանակ նշեց շարժման համակարգող խորհրդի գլխավոր պատասխանատու, «Տաշիր գրուպ» ընկերությունների խմբի փոխնախագահ Նարեկ Կարապետյանը։

«Հայ առաքելական եկեղեցու մասին շատ է խոսվել, բայց կուզեի նաև մի քանի բան հիշեցնել մեզ։ Առաջինը, չնայած բոլորը հիշում են, որ Հայ առաքելական եկեղեցին մեր պատմության կոդն, մեր ամբողջ պատմության ընթացքում նա կարմիր գծով եկել է մեր հետ և տարել է մեզ առաջ։ Օրինակ, բոլորս գիտենք, որ առաքելական եկեղեցին է ստեղծել մեր այբուբենը, ստեղծել մեր գրականությունը, մեր լեզուն պահել և այսօր հարյուրավոր, հազարավոր երեխաներ Հայաստանից դուրս, սփյուռքում կիրակնօրյա դպրոցների միջոցով են կարողանում պահպանել հայոց լեզուն։

Սակայն մեր տեսակետը մեր եկեղեցու հանդեպ մի քիչ նաև ուրիշ է։ Մենք տեսնում ենք, որ եկեղեցին մեծ գործ ունի 21-րդ դարում, նա պետք է փոխի մեզ, փոխի մեր հասարակությունը։

Թմրամոլությունը, խաղամոլությունը, տարբեր հասարակական բացասական երևույթներ մեջից քանդում են մեր հասարակությունը։ Մեր հասարակությունը քանդում է նաև հպարտությունն ու գոռոզությունը։ Մեր եկեղեցին պետք է օգնի մեզ, սովորեցնի մեզ բոլորիս՝ ինչպես լինել համեստ և աշխատասեր, և ինչպես չլինել հպարտ և դատարկ»,–ասաց նա։

Անդրադառնալով ազգային արժեքների պահպանության խնդրին, Կարապետյանն ասաց. «Շատերս Հայաստանի տարբեր շրջաններից ենք ու ամեն շրջան ունի իր մշակութային առանձնահատկությունը։ Ազգային արժեքների աշխատանքային խումբը պետք է աշխատի շրջաններում մեր հայրենակիցների մշակույթային այն առաջարկների վրա, որը հետագայում պետք է մշակվի և դառնա համահայաստանյան։ Համշենահայերեն երաժշտությունը մեզ համար հայտնագործություն է, հայկական մյուս շրջանները նույնպես ունեն մշակութային շատ խորը ժառանգություն, և դա պետք է մեր ազգային արժեքները վեր հանող խումբը աշխատի, որպեսզի վերածի համահայաստանյան մշակութային գործունեության։

www.news.am

Լրահոս