Սամվել Կարապետյանին մեղադրանք են առաջադրել, փորձում են կալանքի տանել. Փաստաբան (տեսանյութ)

Ռուսաստանաբնակ գործարար, բարերար Սամվել Կարապետյանին մեղադրանք է առաջադրվել իշխանութունը յուրացնելու հրապարակային կոչերի համար․ քննիչը միջնորդություն է ներկայացրել դատարան՝ կալանավորելու նրան։ Այս մասին NEWS.am-ին հայտնեց Սամվել Կարապետյանի պաշտան Արմեն Ֆերոյանը։

Քրեական վարույթը նախաձեռնվել ՀՀ քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործութունների քննության գլխավոր վարչությունում։

Փաստաբանը տեղեկացրեց, որ Կարապետյանը չի ընդունոմ իրեն առաջադրված մեղադրանքը։

«Մեղադրանը բացարձակ ապօրինի է, իրականության հետ որևէ աղերս չունի, քանի որ Կարեն Կարապետյանը նման կոչեր չի հնչեցրել։ Յուրաքանչյուր բանական մարդ կարող է դա լսել և համոզվել, որ նրա հայտարարությունում իշխանությունը յուրացնելու կոչեր չկան»,– ասաց փաստաբանը։

Նշվեց, որ մեղադրանքն առաջադրվել է ՀՀ քրեական օրենսգրքի 422-րդ հոդվածի 2-րդ մասով։

«Նշված հոդվածը պատիժ է նախատեսում այլընտրանքային ձևով, տուգանք պատժատեսակ, նաև՝ հանրային աշխատանքներ։ Նման հոդվածով անձին կալանքի ներկայացնելը վկայում է այն մասին, որ ամբողջ գործընթացն ապօրինի է»,-ասաց փաստաբանը։

Կարապետյանի աջակիցներն այժմ հավաքված են Քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության շենքի դիմաց: Քննչական կոմիտեն դեռ պաշտոնական տեղեկություն չի տրամադրել:

Նշենք, որ խոսքը Սամվել Կարապետյանի՝ NEWS.am-ին տված հարցազրույցի մասին է, որտեղ նա, մասնավորապես, հայտարարել էր. «Մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա։ Քանի որ ես միշտ եղել եմ հայոց եկեղեցու կողքին ու հայ ժողովրդի կողքին, ունենալու եմ անմիջական մասնակցությունը։ Եթե քաղաքական գործիչներին չհաջողվի, ապա մենք մեր ձևով ենք մասնակցելու այս ամեն ինչին»։